ATTHAKATHA Book 16 : PALI ROMAN
An.A. (manoratha.3)
Page 4.

                            2. Balavagga
                        1. Ananussutasuttavannana
    [11] Dutiyassa pathame pubbaham bhikkhave ananussutesu dhammesuti aham
bhikkhave pubbe ananussutesu dhammesu catusaccadhammesu. Abhinnavosanaparamippatto
patijanamiti catusu saccesu catuhi maggehi solasavidhassa kiccassa karanena
abhijanitva vosanaparamim sabbesam kiccanam nitthitatta katakiccabhavam param
patto patijanamiti mahabodhipallanke attano agamaniyagunam dasseti. Tathagatassati
atthahi karanehi tathagatassa. Tathagatabalaniti yatha tehi gantabbam, tatheva gatani
pavattani nanabalani. Asabhanthananti setthatthanam. Sihanadanti abhitanadam.
Brahmacakkanti setthacakkam. Pavattetiti katheti. 1-
                          2. Kutasuttavannana
    [12] Dutiye sekhabalaniti sekhanam nanabalani. Agganti uttamam. Sesabalani
gopanasiyo kutam viya sanganhatiti sangahikam. Taneva balani samhatani karotiti
sanghataniyam.
                        3. Sankhittasuttavannana
    [13] Tatiye tattha mutthasaccena 2- na kampatiti satibalam. Uddhaccena 3- na
kampatiti samadhibalam.
                         4. Vitthatasuttavannana
    [14] Catutthe satinepakkenati ettha nepakkam vuccati panna, sa satiya
upakarabhavena gahita.
@Footnote: 1 Si.,Ma. pavattetiti pavatteti katheti  2 cha.Ma. mutthassacce  3 cha.Ma. uddhacce


The Pali Atthakatha in Roman Character Volume 16 Page 4.
http://84000.org/tipitaka/read/attha_page.php?book=16&page=4&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=68&modeTY=2&pagebreak=1
http://84000.org/tipitaka/atthapali/rm_line.php?B=16&A=68&modeTY=2&pagebreak=1#p4