บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 350.
Uttarimanussānaṃ ukkaṭṭhamanussabhūtānaṃ jhāyīnaṃ ceva ariyānaṃ ca jhānādidhammā, 1- dasakusalakammapathasaṅkhātamanussadhammato vā uttaritarā visiṭṭhatarā dhammā 2- me mama santāne atthi nu kho, santi nu khoti attho. Alamariyañāṇadassanavisesoti mahaggatalokuttarapaññā pajānanaṭṭhena ñāṇaṃ, cakkhunā diṭṭhamiva dhammaṃ paccakkhakaraṇato dassanaṭṭhena dassananti ñāṇadassanaṃ, ariyaṃ visuddhaṃ uttamaṃ ñāṇadassananti ariyañāṇadassanaṃ, alaṃ pariyattakaṃ kilesaviddhaṃsanasamatthaṃ ariyañāṇadassanamettha, assa vāti alamariyañāṇadassano, jhānādibhedo uttarimanussadhammo. Alamariyañāṇadassano ca so viseso cāti alamariyañāṇadassanaviseso. Athavā tameva kilesaviddhaṃsanasamatthaṃ visudadhaṃ ñāṇadassanameva visesoti alamariyañāṇadassanaviseso vā. Adhigatoti paṭiladdho me atthi nu kho. Sohanti paṭiladdhaviseso so ahaṃ. Pacchime kāleti maraṇamañce nipannakāle. Puṭṭhoti sabrahmacārīhi adhigataguṇavisesaṃ pucchito. Na maṅku bhavissāmīti patitakkhandho nittejo na hessāmīti. Evaṃ paccavekkhantassa hi moghakālakiriyā nāma na hoti. 9-10. Sarīraṭṭhadhammasuttādivaṇṇanā [49-50] Navame ponobbhavikoti punabbhavanibbattako. Bhavasaṅkhāroti bhavasaṅkharaṇaka- kammaṃ. Imasmiṃ sutte vaṭṭameva kathitaṃ. Dasame sīlabāhusaccaviriyasatipaññā lokiyalokuttaramissikā kathitā. Sesaṃ sabbattha uttānatthamevāti. Akkosavaggo pañcamo. Paṭhamapaṇṇāsako niṭṭhito. @Footnote: 1 cha.Ma. jhānādidhammo 2 cha.Ma. uttaritarāvisiṭṭhataro dhammoThe Pali Atthakatha in Roman Character Volume 16 Page 350. http://84000.org/tipitaka/read/attha_page.php?book=16&page=350&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=7877&pagebreak=1 http://84000.org/tipitaka/atthapali/rm_line.php?B=16&A=7877&pagebreak=1#p350
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]