ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๒๐.

                       ๙. สนฺตวิโมกฺขสุตฺตวณฺณนา
     [๙] นวเม สนฺตาติ อารมฺมณสนฺตตายปิ องฺคสนฺตตายปิ สนฺตา. วิโมกฺขาติ
ปจฺจนีกธมฺเมหิ วิมุตฺตตฺตา อารมฺมเณ จ นิราสงฺคภาเวน ๑- สุฏฺฐุ มุตฺตตฺตา
เอวํลทฺธนามา. อติกฺกมฺม รูเปติ รูปชฺฌานานิ อติกฺกมิตฺวา ปวตฺตา. เสสํ สพฺพตฺถ
อุตฺตานตฺถเมวาติ.
                         อานิสํสวคฺโค ปฐโม.
                         ---------------
                            ๒. นาถวคฺค
                        ๑. เสนาสนสุตฺตวณฺณนา
     [๑๑] ทุติยสฺส ปฐเม ปญฺจงฺคสมนฺนาคโตติ ปญฺจหิ คุณงฺเคหิ สมนฺนาคโต.
นาติทูรํ โหติ นาจฺจาสนฺนนฺติ ยญฺหิ อติทูรํ โหติ, ปิณฺฑาย จริตฺวา ตตฺถ
คจฺฉนฺตสฺส กายจิตฺตทรโถ โหติ, ตโต อนุปฺปนฺนํ วา สมาธึ อุปฺปาเทตุํ อุปฺปนฺนํ
วา ถิรํ กาตุํ น สกฺโกติ. อจฺจาสนฺนํ พหุชนากิณฺณํ โหติ. จตฺตาฬีสอุสภ-
มตฺเต ปน ปเทเส ตทุภยโทสวิมุตฺตญฺจ ๒- คมนาคมนสมฺปนฺนํ นาม โหติ. ทิวา
อปฺปกิณฺณนฺติ ทิวสภาเค มหาชเนน อนากิณฺณํ.
                        ๒. ปญฺจงฺคสุตฺตวณฺณนา
     [๑๒] ทุติเย เกวลีติ เกวเลหิ สกเลหิ คุเณหิ สมนฺนาคโต. วุสิตวาติ วุตฺถ-
พฺรหฺมจริยวาโส. อเสกฺเขนาติ อเสขธมฺมปริยาปนฺเนน โลกุตฺตเรน. สีลกฺขนฺเธนาติ
สีลราสินา. วิมุตฺติกฺขนฺเธนาติ เอตฺถ ฐเปตฺวา สีลาทโย ตโย เสสา ผลธมฺมา
วิมุตฺติ นาม, วิมุตฺติญาณทสฺสนํ ปจฺจเวกฺขณญาณํ, ตํ โลกิยเมว.
@เชิงอรรถ:  ก.,ม. นิราสงฺกภาเวน      ฉ.ม. ปเทเส วสตํ ทูราสนฺนโทสวิมุตฺตํ จ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๒๐. http://84000.org/tipitaka/read/attha_page.php?book=16&page=320&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=7190&modeTY=2&pagebreak=1 http://84000.org/tipitaka/atthapali/th_line.php?B=16&A=7190&modeTY=2&pagebreak=1#p320


จบการแสดงผล หน้าที่ ๓๒๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]