อรรถกถาเล่มที่ ๑๖ หน้าที่ ๓๒.

อทฺทสํสุ. ภวิสฺสนฺติ วชฺชีติ วฑฺฒิสฺสนฺติ วชฺชิราชาโน. อปาฏุภาติ ^๑- อวฑฺฒินิสฺสิตา มานถทฺธา. ปจฺฉาลิยํ ขิปนฺตีติ ปจฺฉโต คนฺตฺวา ปิฏฺึ ปาเทน ปหรนฺติ. รฏฺิกสฺสาติอาทีสุ รฏฺ ภุญฺชตีติ รฏฺิโก. ปิตรา ทตฺตํ สาปเตยฺยํ ภุญฺชตีติ เปตฺตนิโก. เสนาย ปติ เชฏฺโกติ เสนาปติโก. คามคามณิกสฺสาติ คามานํ คามณิกสฺส, คามสามิกสฺสาติ อตฺโถ. ปูคคามณิกสฺสาติ คณเชฏฺกสฺส. กุเลสูติ เตสุ เตสุ กุเลสุ. ปจฺเจกาธิปจฺจํ กาเรนฺตีติ ปจฺเจกํ เชฏฺกฏฺานํ กาเรนฺติ. กลฺยาเณน มนสา อนุกมฺปนฺตีติ สุนฺทเรน จิตฺเตน อนุคฺคณฺหนฺติ. เขตฺตกมฺมนฺต- สามนฺตสโพฺยหาเรติ ^๒- เย จ อตฺตโน เขตฺตกมฺมนฺตานํ สามนฺตา อนนฺตเร เขตฺตสามิโน, เต จ รชฺชทณฺเฑหิ ภูมิปฺปมาเณ คาหเก สโพฺยหาเร ^๓- จ. พลิปฏิคฺคาหิกา เทวตาติ กุลปฺปเวณิยา อาคตา อารกฺขเทวตา. ตา ^๔- สกฺกโรตีติ ตา เทวตา อคฺคยาคุภตฺตาทีหิ สกฺกโรติ. กิจฺจกโรติ อุปฺปนฺนานํ กิจฺจานํ การโก. เย จสฺส อุปชีวิโนติ ^๕- เย จ เอตํ อุปนิสฺสาย ชีวนฺติ. อุภินฺนํเยว ^๖- อตฺถายาติ อุภินฺนํปิ หิตตฺถาย ปฏิปนฺโน โหตีติ อตฺโถ. ปุพฺพเปตานนฺติ ปรโลกคตานํ. ทิฏฺธมฺเม จ ชีวิตนฺติ ^๗- เย จ ทิฏฺเ ธมฺเม ชีวนฺติ. อิติ ปททฺวเยนาปิ อตีตปจฺจุปฺปนฺเน าตโย ทสฺเสติ. ปีติสญฺชนโนติ ^๘- ตุฏฺิชนโน. ฆรมาวสนฺติ ฆราวาสํ วสนฺโต. ปุชฺโช โหติ ปสํสิโยติ ปูเชตพฺโพ จ ปสํสิตพฺโพ จ โหตีติ. ๙-๑๐. วุฑฺฒปพฺพชิตสุตฺตทฺวยวณฺณนา [๕๙-๖๐] นวเม นิปุโณติ สโณฺห สุขุมการณญฺู. อากปฺปสมฺปนฺโนติ สมณากปฺเปน สมฺปนฺโน. ทสเม ปทกฺขิณคฺคาหีติ ทินฺโนวาทํ ปทกฺขิณโต คณฺหนฺโต. เสสํ สพฺพตฺถ อุตฺตานเมวาติ. นีวรณวคฺโค ปโม. @เชิงอรรถ: ^๑ สี. อปชหาติ, ฉ.ม. อปานุภาติ ^๒ สี.....สํโวหาเรติ @^๓ ฉ.ม. สพฺโพหาเร ^๔ ฉ.ม. อยํ ปาโ น ทิสฺสติ ^๕ ฉ.ม. อนุชีวิโนติ @^๖ ฉ.ม. อุภินฺนเจว ^๗ สี. ชีวินนฺติ ^๘ ฉ.ม. วิตฺติสญฺชนโนติ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๒. http://84000.org/tipitaka/read/attha_page.php?book=16&page=32&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=714&pagebreak=1 http://84000.org/tipitaka/atthapali/th_line.php?B=16&A=714&pagebreak=1#p32