ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๐๓.

อริยปุคฺคเล นิสีทาเปยฺย, ตตฺถ โสตาปนฺนานํ ทส ปนฺติโย อสฺสุ, สกทาคามีนํ
ปญฺจ, อนาคามีนํ อฑฺฒเตยฺยา, ขีณาสวานํ ทิยฑฺฒา, ปจฺเจกพุทฺธานํ เอกา ปนฺติ
ภเวยฺย, สมฺมาสมฺพุทฺโธ เอกโกว. เอตฺตกสฺส ชนสฺส ทินฺนทานโต สมฺมาสมฺพุทฺธสฺส
ทินฺนทานเมว มหปฺผลํ. อิตรํ ปน:-
              วิหารทานํ ปิณฺฑปาโต ๑-     สิกฺขา  เมตฺตาย ภาวนา
              ขยโต สมฺมสนฺตสฺส          กลํ นาคฺฆติ โสฬสึ.
     เตเนว ภควา ปรินิพฺพานสมเย "ธมฺมานุธมฺมปฏิปตฺติ อนุตฺตรา  ปูชา"ติ ๒-
อาห. เสสํ สพฺพตฺถ อุตฺตานตฺถเมวาติ.
                         สีหนาทวคฺโค ทุติโย.
                         ---------------
                          ๓. สตฺตาวาสวคฺค
                         ๑. ติฐานสุตฺตวณฺณนา
     [๒๑] ตติยสฺส ปฐเม อุตฺตรกุรุกาติ อุตฺตรกุรุวาสิโน. อธิคณฺหนฺตีติ
อธิภวนฺติ, อธิกา วิสิฏฺฐา เชฏฺฐกา โหนฺติ. อมมาติ นิตฺตณฺหา. อฏฺฐกถายํ ปน
นิทฺทุกฺขาติ วุตฺตํ. อปริคฺคหาติ "อิทํ มยฺหนฺ"ติ ปริคฺคหรหิตา. นิยตายุกาติ
เตสญฺหิ นิพทฺธํ อายุ วสฺสสหสฺสเมว, คติปิ นิพทฺธา, ตโต จวิตฺวา สคฺเคเยว
นิพฺพตฺตนฺติ. สติมนฺโตติ เทวตานญฺหิ เอกนฺตสุขตาย สติ ถิรา น โหติ, เนรยิกานํ
เอกนฺตทุกฺขิตาย. อิเมสํ ปน โวกิณฺณสุขทุกฺขตฺตา สติ ถิรา โหติ.
อิธ พฺรหฺมจริยวาโสติ ชมฺพูทีเป พุทฺธปจฺเจกพุทฺธานํ อุปฺปชฺชนโต
อฏฺฐงฺคิกมคฺคพฺรหฺมจริยวาโสปิ อิเธว โหติ.
@เชิงอรรถ:  สี. ปณิปาตํ, ฉ.ม. ปณิปาโต   ที.ม. ๑๐/๑๙๙/๑๒๑ มหาปรินิพฺพานสุตฺต (อตฺถโต
@สมานํ)



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๐๓. http://84000.org/tipitaka/read/attha_page.php?book=16&page=303&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6825&modeTY=2&pagebreak=1 http://84000.org/tipitaka/atthapali/th_line.php?B=16&A=6825&modeTY=2&pagebreak=1#p303


จบการแสดงผล หน้าที่ ๓๐๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]