บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 30.
5. Mātāsuttavaṇṇanā [55] Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti 1- uddhumātā. Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsaddeti 2- ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃ gatiṃ bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato katāyeva. 3- Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutobhayaṃ 4- nāma natthi, tasmā te akutobhayā hutvā caranti. Pāragatāti 5- pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ. 6. Upajjhāyasuttavaṇṇanā [56] Chaṭṭhe madhurakajātoti sañjātagarubhāvo. Disā ca me na pakkhāyantīti catasso disā ca anudisā ca mayhaṃ na upaṭṭhahantīti vadati. Dhammā ca maṃ nappaṭikantīti samathavipassanādhammāpi me na upaṭṭhahanti. Anabhirato ca brahmacariyaṃ carāmīti ukkaṇṭhito hutvā brahmacariyavāsaṃ vasāmi. Yena bhagavā tenupasaṅkamīti tassa kathaṃ sutvā "buddhaveneyyapuggalo ayan"ti taṃ kāraṇaṃ bhagavato ārocetuṃ upasaṅkami. Avipassakassa kusalānaṃ dhammānanti kusale dhamme avipassantassa, anesantassa agavesantassāti attho. Bodhipakkhikānanti 6- satipaṭṭhānādīnaṃ sattatiṃsadhammānaṃ. @Footnote: 1 Sī. ugghānitāti 2 cha.Ma. āsīdeti 3 cha.Ma. gatāyeva @4 cha.Ma. kutoci bhayaṃ 5 cha.Ma. pāraṅgatāti 6 cha.Ma. bodhipakkhiyānaṃ dhammānantiThe Pali Atthakatha in Roman Character Volume 16 Page 30. http://84000.org/tipitaka/read/attha_page.php?book=16&page=30&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=669&pagebreak=1 http://84000.org/tipitaka/atthapali/rm_line.php?B=16&A=669&pagebreak=1#p30
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]