ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๒๘.

                          ๒. ทุติยปณฺณาสก
                  ๖. ๑. นีวรณวคฺค ๑. อาวรณสุตฺตวณฺณนา
   [๕๑] ทุติยสฺส ปฐเม อาวรณวเสน อาวรณา. นีวรณวเสน นีวรณา. เจตโส
อชฺฌารุหนฺตีติ เจตโส อชฺฌารุหา. ๑- วิปสฺสนาปญฺญญฺจ มคฺคปญฺญญฺจ ๒-
อุปฺปตฺตินิวารณฏฺเฐน ทุพฺพลํ กโรนฺตีติ ปญฺญาย ทุพฺพลีกรณา. ยา วา เอเตหิ สทฺธึ
โวกิณฺณปญฺญา อุปฺปชฺชติ, ตํ ทุพฺพลํ กโรนฺตีติปิ ปญฺญาย ทุพฺพลีกรณา.
อพลายาติ ปญฺจนีวรณปริโยนทฺธตฺตา อปคตพลาย อุตฺตรึ วา มนุสฺสธมฺมา
อลมริยญาณทสฺสนวิเสสนฺติ ทสกุสลกมฺมปถสงฺขาตา มนุสฺสธมฺมา อุตฺตรึ ๓- อริยภาวํ
กาตุํ สมตฺถํ ญาณทสฺสนวิเสสํ. หารหารินีติ หริตพฺพํ หริตุํ สมตฺถา. นงฺคลมุขานีติ
มาติกามุขานิ. ตานิ หิ นงฺคลสริกฺขกตฺตา ๔- นงฺคเลหิ จ ขตตฺตา นงฺคลมุขานีติ
วุจฺจนฺติ.
     เอวเมว โขติ เอตฺถ โสตํ วิย วิปสฺสนาญาณํ ทฏฺฐพฺพํ, อุภโต นงฺคลมุขานํ
วิวรณกาโล วิย ฉสุ ทฺวาเรสุ สํวรสฺส วิสฏฺฐกาโล, มชฺเฌ นทิยา รุกฺขปาเท
โกฏฺเฏตฺวา ปลาลติณมตฺติกาหิ อาวรเณ กเต อุทกสฺส วิกฺขิตฺตวิสฏพฺยาทินฺน-
กาโล วิย ปญฺจหิ นีวรเณหิ ปริโยนทฺธกาโล, เอวํ อาวรเณ กเต วิหตเวคสฺส
อุทกสฺส ติณปลาลาทีนิ ปริกฑฺฒิตฺวา สมุทฺทํ ปาปุณิตุํ อสมตฺถกาโล วิย
วิปสฺสนาญาเณน สพฺพกุสเล วิทฺธํเสตฺวา นิพฺพานสาครํ ปาปุณิตุํ อสมตฺถกาโล
เวทิตพฺโพ. สุกฺกปกฺเข วุตฺตวิปลฺลาเสน โยชนา กาตพฺพา. อิมสฺมึ สุตฺเต
วฏฺฏวิวฏฺฏํ กถิตํ. ทุติยํ อุตฺตานตฺถเมว.
                       ๓. ปธานิยงฺคสุตฺตวณฺณนา
     [๕๓] ตติเย ปธานิยงฺคานีติ ปธานํ วุจฺจติ ปทหนภาโว, ปธานมสฺส อตฺถีติ
@เชิงอรรถ:  ก. อชุฌารุหาติ เจตโส อชฺฌารุฬฺหา   สี. วิปสฺสนาปญฺญาย จ มคฺคปญฺญาย จ
@ ฉ.ม. อุตฺตริ   ก. นงฺคลสริกฺขํ กตฺวา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๘. http://84000.org/tipitaka/read/attha_page.php?book=16&page=28&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=623&modeTY=2&pagebreak=1 http://84000.org/tipitaka/atthapali/th_line.php?B=16&A=623&modeTY=2&pagebreak=1#p28


จบการแสดงผล หน้าที่ ๒๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]