บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 27.
Labheyya. Tathā tathā tattha parakkameyyāti tena tena tasmiṃ tasmiṃ ṭhāne parakkamaṃ kareyya. Kammaṃ daḷhanti vaṭṭagāmikammaṃ mayā thiraṃ katvā āyūhitaṃ. Svāhaṃ idāni kinti karomīti evaṃ paccavekkhitvā adhivāseyyāti. 9. Kosalasuttavaṇṇanā [49] Navame upakaṇṇaketi kaṇṇamūle. Dummanoti duṭṭhumano. Pattakkhandhoti patitakkhandho. Pajjhāyantoti cintayanto. Appaṭibhāṇoti nippaṭibhāṇo hutvā. Sesaṃ heṭṭhā vuttanayameva. 10. Nāradasuttavaṇṇanā [50] Dasame ajjhomuñcitoti adhiomuñchito 1- gilitvā pariniṭṭhapetvā gahaṇasabhāvāya atirekamucchāya taṇhāya samannāgato. Mahaccarājānubhāvenāti mahatā rājānubhāvena, aṭṭhārasahi senīhi parivārito mahatiyā rājiddhiyā pāyāsīti attho. Tagghāti ekaṃsatthe nipāto, ekaṃseneva sokasallaharaṇoti attho. Iti rājā imaṃ ovādaṃ sutvā tasmiṃ ṭhito dhammena samena rajjaṃ kāretvā saggaparāyano ahosi. Muṇḍarājavaggo pañcamo. Paṭhamapaṇṇāsako niṭṭhito. -------------- @Footnote: 1 Sī.,Ma. adhimucchitoThe Pali Atthakatha in Roman Character Volume 16 Page 27. http://84000.org/tipitaka/read/attha_page.php?book=16&page=27&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=605&pagebreak=1 http://84000.org/tipitaka/atthapali/rm_line.php?B=16&A=605&pagebreak=1#p27
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]