บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 257.
Kālenāti yuttappayuttakālena. 1- Kappiyanti yaṃ kappiyaṃ, taṃ deti. Viceyya detīti "imassa dinnaṃ mahapphalaṃ bhavissati, imassa na mahapphalan"ti evaṃ paṭiggāhakaṃ pariyesana- vasena paṇidhāyavasena dānaṃ vā vicinitvā deti. 8. Sappurisasuttavaṇṇanā [38] Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavatti rājāno bodhisattā paccekabuddhā labbhanti, buddhakāle buddhā ceva buddha- sāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃ vata atthāya, sappañño gharamāvasanti sappañño ghare vasanto bahunnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apāpe brahmacārinoti apacāyati, 2- nīcavuttitaṃ nesaṃ āpajjati. Pesaloti piyasīlo. 9. Abhisandasuttavaṇṇanā [39] Navame dānānīti cetanādānāni. Aggaññānītiādīnaṃ padānaṃ 3- attho heṭṭhā vuttoyeva. 10. Duccaritavipākasuttavaṇṇanā [40] Dasame pāṇātipātoti pāṇātipātacetanā. Sabbalahusoti sabbalahuko. Appāyukasaṃvattanikoti 4- tena parittakena kammavipākena appāyuko hoti, dinnamattāya vā paṭisandhiyā vilīyati mātukucchito nikkhantamatto vā. 5- Evarūpo hi na aññassa kassaci nissando, pāṇātipātasseva gatamaggo esoti. Bhogabyasanasaṃvattanikoti @Footnote: 1 cha.Ma. yuttapattakālena 2 cha.Ma. apace brahmacārayoti brahmacārino apacayati @3 cha.Ma. ayaṃ pāṭho na dissati 4 Sī.,Ma. sabbalahuso appāyukasaṃvattanikoti @5 cha.Ma. nikkhantamatte vāThe Pali Atthakatha in Roman Character Volume 16 Page 257. http://84000.org/tipitaka/read/attha_page.php?book=16&page=257&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=5770&pagebreak=1 http://84000.org/tipitaka/atthapali/rm_line.php?B=16&A=5770&pagebreak=1#p257
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]