ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๒๓.

อคฺคผลานิ. ปฐมํ สีลวนฺเตสุ ปติฏฺฐาเปตีติ ปฐมํ สีลวนฺตานํ ทตฺวา ปจฺฉา อตฺตนา
ปริภุญฺชติ. วทญฺญูติ ภาสิตญฺญู. กาเลน ทินฺนนฺติ ยุตฺตปฺปตฺตกาเลน ๑- ทินฺนํ.
อนุโมทนฺตีติ เอกมนฺเต ฐิตา อนุโมทนฺติ. เวยฺยาวจฺจนฺติ กาเยน เวยฺยาวฏิกกมฺมํ
กโรนฺติ. อปฺปฏิวานจิตฺโตติ อนุกฺกณฺฐิตจิตฺโต. ยตฺถ ทินฺนํ มหปฺผลนฺติ ยสฺมึ
ฐาเน ทินฺนํ มหปฺผลํ โหติ, ตตฺถ ทเทยฺย.
                         ๗. โภชนสุตฺตวณฺณนา
     [๓๗] สตฺตเม อายุํ เทตีติ อายุทานํ. วณฺณนฺติ สรีรวณฺณํ. สุขนฺติ
กายิกเจตสิกสุขํ. พลนฺติ สรีรถามํ. ปฏิภาณนฺติ ยุตฺตมุตฺตปฏิภาณํ.
                         ๘. สทฺทสุตฺตวณฺณนา
      [๓๘] อฏฺฐเม อนุกมฺปนฺตีติ อนุคฺคณฺหนฺติ. ขนฺธิมาว มหาทุโมติ
ขนฺธสมฺปนฺโน มหารุกฺโข วิย. มโนรเม อายตเนติ รมณีเย สโมสรณฏฺฐาเน. ฉายํ
ฉายตฺถิกา ยนฺตีติ ฉายาย อตฺถิกาว ฉายํ อุปคจฺฉนฺติ. นิวาตวุตฺตินฺติ นีจวุตฺตึ.
อตฺถทฺธนฺติ โกธมานตฺถทฺธตาย รหิตํ. โสรตนฺติ โสรจฺเจน สุจิสีเลน สมนฺนาคตํ.
สขิลนฺติ สมฺโมทกํ.
                         ๙. ปุตฺตสุตฺตวณฺณนา
     [๓๙]  นวเม ภโต วา โน ภริสฺสตีติ อเมฺหหิ ถญฺญปายนหตฺถ-
ปาทวฑฺฒนาทีหิ ภโต ปฏิชคฺคิโต อเมฺห มหลฺลกกาเล หตฺถปาทโธวนนฺหาปนยาคุภตฺต-
ทานาทีหิ ภริสฺสติ. กิจฺจํ วา โน กริสฺสตีติ อตฺตโน กมฺมํ ฐเปตฺวา
อมฺหากํ รากุลาทีสุ อุปฺปนฺนกิจฺจํ คนฺตฺวา กริสฺสติ. กุลวํโส จิรํ ฐสฺสตีติ
อมฺหากํ สนฺตกํ เขตฺตวตฺถุหิรญฺญสุวณฺณาทึ อวินาเสตฺวา รกฺขนฺเต ปุตฺเต
กุลวํโส จิรํ ฐสฺสติ, อเมฺหหิ วา ปวตฺติตานิ สลากภตฺตาทีนิ อนุปจฺฉินฺทิตฺวา
@เชิงอรรถ:  สี. กาเล ทินฺนนฺติ ยุตฺตปฺปตฺตกาเล



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๓. http://84000.org/tipitaka/read/attha_page.php?book=16&page=23&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=513&modeTY=2&pagebreak=1 http://84000.org/tipitaka/atthapali/th_line.php?B=16&A=513&modeTY=2&pagebreak=1#p23


จบการแสดงผล หน้าที่ ๒๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]