Vijatanadhovanarajanavenikaranadisu kappasassa ca vattanapisanaphotanakantanadisu 1- cheka
bhavissama. Tatrupayayati tasmim unnakappasasamvidhane upayabhutaya "imasmim kale
idam nama katum vattati"ti evam pavattaya vimamsaya samannagata. Alam katum
alam samvidhatunti attana katumpi parehi karapetumpi yutta 2- ceva samattha ca
bhavissamati attho.
Katanca katato janissama, akatanca akatatoti sakalam divasam idam nama
kammam katva agatanam, upaddhadivasam idam nama kammam katva agatanam, nikkammanam
gehe nisinnanam idam nama datum evanca katum vattatiti evam janissama.
Gilanakananca balabalanti sace hi gilanakale tesam bhesajjabhojanadini datva
rogam phasum na karonti, "ime arogakale amhe yam icchanti, tam karonti. 3-
Gilanakale atthibhavampi no na jananti"ti virattarupa paccha kiccani na karonti,
dukkatani va karonti. Tasma nesam balabalam natva databbanca kattabbanca
janissamati evam tumhehi sikkhitabbanti dasseti. Khadaniyam bhojaniyam cassati
khadaniyanca bhojaniyanca assa antojanassa. Paccayamsenati 4- patilabhitabbena amsena,
attano attano laddhabbakotthasanurupenati attho. Samvibhajissamati dassama.
Sampadessamati sampadayissama.
Adhuttiti purisadhuttasuradhuttatavasena adhuttiyo. Atheniti atheniyo acoriyo.
Asonditi surasondatadivasena asondiyo.
Evam suttantam nitthapetva idani gathahi kutam ganhanto yo nam bharati
sabbadatiadimaha. Tattha bharatiti posati patijaggati. Sabbakamaharanti sabbakamadadam.
Sotthiti su itthi. Evam vattatiti ettakam vattam puretva vattati. Manapa nama
te devati nimmanarati deva. Te hi icchiticchitam rupam mapetva abhiramanato
nimmanaratiti ca manapati ca vuccantiti.
@Footnote: 1 Si. vattanapinchana... 2 ka. yuttameva 3 cha.Ma. karenti 4 cha.Ma. paccamsenati
The Pali Atthakatha in Roman Character Volume 16 Page 21.
http://84000.org/tipitaka/read/attha_page.php?book=16&page=21&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=467&modeTY=2&pagebreak=1
http://84000.org/tipitaka/atthapali/rm_line.php?B=16&A=467&modeTY=2&pagebreak=1#p21
