บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 2.
Udayatthagāminiyāti pañcannaṃ khandhānaṃ udayavayagāminiyā udayañca vayañca paṭivijjhituṃ samatthāya. Paññāya samannāgatoti vipassanāpaññāya ceva maggapaññāya ca samaṅgībhūto. Ariyāyāti vikkhambhanavasena ca samucchedavasena ca kilesehi ārakā ṭhitāya parisuddhāya. Nibbedhikāyāti sā ca vinivijjhanato 1- nibbedhikāti vuccati, tāya samannāgatoti attho. Tattha maggapaññā samucchedavasena anibbiddha- pubbaappadālitapubbalobhakkhandhadosakkhandhamohakkhandhe nibbijjhati padāletīti nibbedhikā, vipassanāpaññā tadaṅgavasena nibbedhikā, maggapaññāya paṭilābha- saṃvattanato tibbipassanā 2- nibbedhikāti vattuṃ vaṭṭati. Sammādukkhakkhayagāminiyāti idhāpi maggapaññā sammā hetunā nayena vaṭṭadukkhañca kilesadukkhañca khepayamānā gacchatīti sammādukkhakkhayagāminī nāma, vipassanāpaññā tadaṅgavasena vaṭṭadukkhañca kilesadukkhañca khepayamānā gacchatīti dukkhakkhayagāminī. Dukkhakkhayagāminiyā vā maggapaññāya paṭilābhāya saṃvattanatopesā dukkhakkhayagāminīti veditabbā. Iti imasmiṃ sutte pañca balāni missakāneva kathitāni, tathā pañcame. 6. Samāpattisuttavaṇṇanā [6] Chaṭṭhe akusalassa samāpattīti akusaladhammassa samāpajjanā, tena saddhiṃ 3- samaṅgībhāvoti attho. Pariyuddhāya 4- tiṭṭhatīti pariyonaddhitvā 5- tiṭṭhati. 7. Kāmasuttavaṇṇanā [7] Sattame kāmesu laḷitāti 6- vatthukāmakilesakāmesu laḷitā abhiratā. Asitabyābhaṅginti tiṇalāyanaasitañceva tiṇavahanakājañca. Kulaputtoti ācārakula- putto. Ohāyāti pahāya. Al vacanāyāti yuttaṃ vacanāya. Labbhāti sulabhā @Footnote: 1 Sī. sāyeva nibbijjhanato, cha.Ma. atinivijjhanato 2 ka. vāpi vipassanā @3 ka. samāpajjanabhāvena saddhiṃ 4 cha.Ma. pariyuṭṭhāya @5 cha.Ma. pariyonandhitvā 6 Sī. salāḷitātiThe Pali Atthakatha in Roman Character Volume 16 Page 2. http://84000.org/tipitaka/read/attha_page.php?book=16&page=2&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=22&pagebreak=1 http://84000.org/tipitaka/atthapali/rm_line.php?B=16&A=22&pagebreak=1#p2
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]