Vijjulataya samannagato. Satakkathuti satakuto, ito cito ca utthatena
valahakakutasatena samannagatoti attho. Dassanasampannoti sotapanno. Bhogaparibyulhoti
udakoghena viya danavasena diyamanehi bhogehi paribyulho, devalokasampapitoti
attho. Peccati paraloke. Sagge pamodatiti 1- yasmim sagge uppajjati, tattheva
modati pamodatiti.
2. Cundisuttavannana
[32] Dutiye pancahi rathasatehiti bhuttapatarasa pitu santikam pesetva
panca rathasatani yojapetva tehi parivutati attho. Upasankamiti bhatara
saddhim pavattitapanhasakaccham pucchissamiti gandhamalacunnadini adaya upasankami.
Yadeva so hotiti yadaeva so hoti. Athava yoeva so hoti. Ariyakantani
silaniti maggaphalasampayuttani silani. Tani hi ariyanam kantani hontiti,
bhavantarepi na pariccajanti. 2- Sesam catukkanipate aggappasadasutte 3- vuttanayeneva
veditabbam.
3. Uggahasuttavannana
[33] Tatiye bhaddiyeti bhaddiyanagare. Jatiyavaneti sayam jate aropite 4-
himavantena saddhim ekabaddhe vanasande, tam nagaram upanissaya tasmim vane viharatiti
attho. Attacatutthoti attana catuttho. Kasma panesa bhagavantam attacatutthamyeva
nimantesi? gehe kirassa mahantam mangalam, tattha mahantena samvidhanena 5- bahu
manussa sannipatissanti. Te bhikkhusamgham parivisantena dussangaha bhavissantiti
attacatutthamyeva nimantesi. Apicassa evampi ahosi "daharakumarikayo mahabhikkhusamgha-
majjhe satthari ovadante olokayamana 6- ovadam gahetum na sakkuneyyun"ti.
@Footnote: 1 Si. sagge ca modatiti 2 Si. apariccajiyani
@3 an. catukka. 21/34/39 aggappasadasutta 4 Si. aropime
@5 Si. samvidhanena bhavitabbam, Ma. parivarena 6 cha.Ma. olinamana
The Pali Atthakatha in Roman Character Volume 16 Page 19.
http://84000.org/tipitaka/read/attha_page.php?book=16&page=19&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=419&modeTY=2&pagebreak=1
http://84000.org/tipitaka/atthapali/rm_line.php?B=16&A=419&modeTY=2&pagebreak=1#p19
