บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 12.
Paccavekkhananimittanti paccavekkhanananameva. Suggahitam hotiti yatha tena jhanavipassanamagga sutthu gahita honti. Evam paccavekkhananimittam aparaparena paccavekkhananimitteneva sutthu gahitam hoti. Anno va annanti anno eko annam ekam, attanoyeva hi atta na pakato hoti. Thito va nisinnanti thitakassapi nisinno pakato hoti, tenevam vuttam. Sesesupi eseva nayo. Udakamanikoti samekhala udakacati. Samatittikoti samabharito. Kakapeyyati mukhavattiyam nisiditva kakena givam anametvava patabbo. Subhumiyanti samabhumiyam. "subhume sukkhette vihatakhanuke bijani patitthapeyya"ti 1- ettha pana mandabhumi subhumiti agata. Catummahapatheti dvinnam mahamagganam vinivijjhitva gatatthane. Ajannarathoti vinitaassaratho. Odhastapatodoti yatha ratham abhiruhitva thitena sakka hoti ganhitum, evam alambanam nissaya tiriyato thapitapatodo. Yoggacariyoti assacariyo. Sveva assadamme saretiti assadammasarathi. Yenicchakanti yena yena maggena icchati. Yadicchakanti yam yam gatim icchati. Sareyyati ujukam purato peseyya. Paccasareyyati patinivatteyya. Evam hettha pancahi angehi samapattiparikammam kathetva imahi tihi upamahi pagunasamapattiya anisamsam dassetva idani khinasavassa abhinnapatipatim dassetum so sace akankhatitiadimaha. Tam uttanatthamevati. 9. Cankamasuttavannana [29] Navame addhanakkhamo hotiti duram addhanam maggam gacchanto khamati, adhivasetum sakkoti. Padhanakkhamoti viriyakkhamo. 2- Cankamadhigato samadhiti cankamam adhitthahantena adhigato atthannam samapattinam annatarasamadhi. Ciratthitiko hotiti ciram titthati. Thitakena gahitanimittanhi nisinnassa nassati, nisinnena gahitanimittam @Footnote: 1 di.Ma. 10/438/299 yannakatha 2 Si. padhanaviriyakkhamoThe Pali Atthakatha in Roman Character Volume 16 Page 12. http://84000.org/tipitaka/read/attha_page.php?book=16&page=12&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=252&modeTY=2&pagebreak=1 http://84000.org/tipitaka/atthapali/rm_line.php?B=16&A=252&modeTY=2&pagebreak=1#p12
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]