Annesam bhojanavelaya pana bhunjitum agantva patova bhandam patisametva
gharam gantva bhunjitva niddayitva sayam puna apanam agacchanto majjhantikasamayam
na sakkaccam kammantam adhitthati nama. So hi yam cora patova vissajjetum
na sampapunimsu, divakale pana paresam asancarakkhane apanam gantva appagghena
denti, yanca bhojanavelaya punnavanto issara "apanato idancidanca
laddhum vattati"ti pahinitva aharapenti, tappaccayassa labhassa assamiko
apaniko 1- hoti.
Yava yamabherinikkhamana 2- pana antoapane dipam jalapetva anisidanto
sayanhasamayam na sakkaccam kammantam adhitthati nama. So hi yam cora patopi
divapi vissajjetum na sampapunimsu, sayam pana apanam gantva appagghena
denti, tappaccayassa labhassa assamiko hoti.
Na sakkaccam samadhinimittam adhitthatiti sakkaccakiriyaya samadhim na samapajjati.
Ettha ca patova cetiyanganabodhiyanganesu vattam katva senasanam pavisitva yava
bhikkhacaravela, tava samapattim appetva anisidanto pubbanhasamayam na
sakkaccam samadhinimittam adhitthati nama. Pacchabhattam pana pindapatapatikkanto
rattitthanadivatthanam pavisitva yava sayanhasamaya samapattim appetva anisidanto
majjhantikasamayam na sakkaccam samadhinimittam adhitthati nama. Sayam pana cetiyam
vanditva therupatthanam katva senasanam pavisitva pathamayamam samapattim samapajjitva
anisidanto sayanhasamayam na sakkaccam samadhinimittam adhitthati nama. Sukkapakkho
vuttapatipakkhanayeneva veditabbo. Apicettha "samapattim appetva"ti vuttatthane
samapattiya asati vipassanapi vattati, samadhinimittanti ca samadhiarammanampi
vattatiyeva. Vuttampi cetam "samadhipi samadhinimittam, samadharammanampi 3-
samadhinimittan"ti.
@Footnote: 1 cha.Ma.,i. ayam patho na dissati 2 Ma. yava samino nikkhamana
@3 Ma. samadharammanopi dhammo
The Pali Atthakatha in Roman Character Volume 15 Page 96.
http://84000.org/tipitaka/read/attha_page.php?book=15&page=96&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=2140&modeTY=2&pagebreak=1
http://84000.org/tipitaka/atthapali/rm_line.php?B=15&A=2140&modeTY=2&pagebreak=1#p96
