อรรถกถาเล่มที่ ๑๕ หน้าที่ ๘๑.

"อิเธว ภนฺเต ภิกฺขุ วิวิจฺเจว กาเมหิ ฯเปฯ จตุตฺถํ ฌานํ อุปสมฺปชฺช วิหรติ. อิทํ ภนฺเต อนุสฺสติฏฺานํ เอวํ ภาวิตํ เอวํ พหุลีกตํ ทิฏฺธมฺมสุขวิหาราย สํวตฺตตี"ติ. อพฺภนุโมทิตา โหตีติ ตถาคโต วิย โยนิโส อพฺภนุโมทิตา โหติ. ตถาคโต หิ อานนฺทตฺเถเรน ปเญฺห วิสฺสชฺชิเต "สาธุ สาธุ อานนฺท, เตนหิ ตฺวํ อานนฺท อิมํ ^๑- ฉฏฺ อนุสฺสติฏฺานํ ธาเรหิ. อิธานนฺท ภิกฺขุ สโตว อภิกฺกมติ สโตว ปฏิกฺกมตี"ติอาทิมาห. ฉฏฺาทีนิ อุตฺตานตฺถาเนว. ๙. ขตสุตฺตวณฺณนา [๙] นวเม สุกฺกปกฺโข ปุพฺพภาเค ทสหิ ^๒- กุสลกมฺมปเถหิ ปริจฺฉินฺโน, อุปริ ยาว อรหตฺตมคฺคา ลพฺภติ. พหุญฺจ ปุญฺ ปสวตีติ เอตฺถ โลกิยโลกุตฺตรมิสฺสกํ ปุญฺ กถิตํ. ๑๐. มลสุตฺตวณฺณนา [๑๐] ทสเม ทุสฺสีลสฺส ภาโว ทุสฺสีลฺยํ, ทุสฺสีลฺยเมว มลํ ทุสฺสีลฺยมลํ. เกนฏฺเน มลนฺติ? อนุทหนฏฺเน ทุคฺคนฺธฏฺเน กิลิฏฺกรณฏฺเน จ. ตญฺหิ นิรยาทีสุ อปาเยสุ อนุทหตีติ อนุทหนฏฺเนปิ มลํ. เตน ^๓- สมนฺนาคโต ปุคฺคโล มาตาปิตูนํปิ สนฺติเก ภิกฺขุสํฆสฺสาปิ อนฺตเร โพธิเจติยฏฺาเนสุปิ ชิคุจฺฉนีโย โหติ, สพฺพทิสาสุ จสฺส "เอวรูปํ กิร เตน ปาปกมฺมํ กตนฺ"ติ อวณฺณคนฺโธ วายตีติ ทุคฺคนฺธฏฺเนปิ มลํ. เตน สมนฺนาคโต ปุคฺคโล คตคตฏฺาเน อุปตาปญฺเจว ลภติ, กายกมฺมาทีนิ จสฺส อสุจีนิ โหนฺติ อปภสฺสรานีติ ^๔- กิลิฏฺกรณฏฺเนปิ มลํ. อปิจ ตํ เทวมนุสฺสสมฺปตฺติโย เจว นิพฺพานสมฺปตฺตึ จ มิลาเปตีติ มิลาปนฏฺเนปิ มลนฺติ เวทิตพฺพํ. อิสฺสามลมจฺเฉรมเลสุปิ เอเสว นโย. พาลวคฺโค ปโม. @เชิงอรรถ: ^๑ ฉ.ม.,อิ. อิมมฺปิ ^๒ ฉ.ม.,อิ. ทสหิปิ @^๓ ฉ.ม. เตน จ ^๔ ก. อปรายนานีติ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๘๑. http://84000.org/tipitaka/read/attha_page.php?book=15&page=81&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1787&pagebreak=1 http://84000.org/tipitaka/atthapali/th_line.php?B=15&A=1787&pagebreak=1#p81