บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๗๙.
หิ คตมคฺโค รุกฺขคจฺฉคามนิคมาทีนิ ฌาเปตฺวา คจฺฉนฺตสฺส อินฺทคฺคิโน คตมคฺโค วิย โหติ, ยถา เตน ๑- ฌามฏฺฐานมตฺตเมว องฺคารมสิฉาริกาสมากุลํ ปญฺญายติ. ปณฺฑิเตน คตมคฺโค กูปโสพฺภาทโย ๒- ปูเรตฺวา วิวิธสสฺสสมฺปทํ อาวหมาเนน จาตุทฺทิสิกเมเฆน ๓- คตมคฺโค วิย โหติ. ยถา เตน คตมคฺเคน อุทกปูรานิ เจว วิวิธสสฺสผลาผลานิ จ ตานิ ฐานานิ ปญฺญายนฺติ, เอวํ ปณฺฑิเตน คตมคฺเค สมฺปตฺติเยว ปญฺญายติ. ๔- เสสเมตฺถ อุตฺตานตฺถเมว. ๓. จินฺตีสุตฺตวณฺณนา [๓] ตติเย พาลลกฺขณานีติ "พาโล อยนฺ"ติ เอเตหิ ลกฺขียติ ญายตีติ พาลลกฺขณานิ. ตาเนว ๕- สญฺชานนการณานีติ พาลนิมิตฺตานิ. พาลาปทานานีติ พาลสฺส อปทานานิ. ๖- ทุจฺจินฺติตจินฺตีติ จินฺตยนฺโต อภิชฺฌาพฺยาปาทมิจฺฉาทสฺสน- วเสน ทุจฺจินฺติตเมว จินฺเตติ. ทุพฺภาสิตภาสีติ ภาสมาโนปิ มุสาวาทาทิเภทํ ทุพฺภาสิตเมว ภาสติ. ทุกฺกฏกมฺมการีติ กโรนฺโตปิ ปาณาติปาตาทิวเสน ทุกฺกฏกมฺมเมว กโรติ. ปณฺฑิตลกฺขณานีติอาทิ วุตฺตานุสาเรเนว เวทิตพฺพํ. สุจินฺติตจินฺตีติอาทีนิ เจตฺถ มโนสุจริตาทีนํ วเสน โยเชตพฺพานิ. ๔. อจฺจยสุตฺตวณฺณนา [๔] จตุตฺเถ อจฺจยํ อจฺจยโต น ปสฺสตีติ อตฺตโน อปราธํ อปราธโต น ปสฺสติ. อจฺจยโต ทิสฺวา ยถาธมฺมํ น ปฏิกโรตีติ "อปรทฺธํ มยา"ติ ญตฺวาปิ โย ธมฺโม, ตํ น กโรติ, ทณฺฑกมฺมํ อาหริตฺวา อจฺจยํ น เทเสติ นกฺขมาเปติ. อจฺจยํ เทเสนฺตสฺส ยถาธมฺมํ น ปฏิคฺคณฺหาตีติ ปรสฺส "วิรทฺธํ มยา"ติ ญตฺวา ทณฺฑกมฺมํ อาหริตฺวา ขมาเปนฺตสฺส น ขมติ. สุกฺกปกฺโข วุตฺตปฏิปกฺขโต เวทิตพฺโพ. @เชิงอรรถ: ๑ ฉ.ม.,อิ. ยถา เตนาติ ปาโฐ น ทิสฺสติ ๒ ฉ.ม. กุโสพฺภาทโย @๓ ฉ.ม. จตุทีปิกเมเฆน ๔ ฉ.ม.,อิ. ปญฺญายติ โน วิปตฺติโยติ @๕ ฉ.ม.,อิ. ตาเนวสฺส ๖ สี.,อิ. พาลสฺส จริตาปทานานีติ พาลาปทานานิเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๗๙. http://84000.org/tipitaka/read/attha_page.php?book=15&page=79&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1741&modeTY=2&pagebreak=1 http://84000.org/tipitaka/atthapali/th_line.php?B=15&A=1741&modeTY=2&pagebreak=1#p79
จบการแสดงผล หน้าที่ ๗๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]