อรรถกถาเล่มที่ ๑๕ หน้าที่ ๗๐.

ทุติเย อุปสคฺคมตฺตํ วิเสโส. [๑๕๔] ตติเย วุตฺตปฺปการสฺส อามิสสฺส เอสนา อามิเสสนา, ธมฺมสฺส เอสนา ธมฺเมสนา. จตุตฺเถ อุปสคฺคมตฺตํ ^๑- วิเสโส. [๑๕๖] ปญฺจเม มตฺถกปฺปตฺตา ^๒- อามิสปริเยสนา อามิสปริเยฏฺฐิ, มตฺถกปฺปตฺตา ธมฺมปริเยสนา ธมฺมปริเยฏฺฐีติ วุตฺตา. [๑๕๗] ฉฏฺเฐ อามิเสน ปูชนํ อามิสปูชา, ธมฺเมน ปูชนํ ธมฺมปูชา. [๑๕๘] สตฺตเม อาติเถยฺยานีติ อาคนฺตุกทานานิ. อติเถยฺยานีติปิ ^๓- ปาโฐ. [๑๕๙] อฏฺฐเม อามิสํ อิชฺฌนกสมิชฺฌนกวเสน อามิสิทฺธิ, ธมฺโมปิ อิชฺฌนก- สมิชฺฌนกวเสน ธมฺมิทฺธิ. [๑๖๐] นวเม อามิเสน วฑฺฒนํ อามิสวุฑฺฒิ, ธมฺเมน วฑฺฒนํ ธมฺมวุฑฺฒิ. [๑๖๑] ทสเม รติกรณชนนํ ^๔- อามิสํ อามิสรตนํ, ธมฺโม ธมฺมรตนํ. [๑๖๒] เอกาทสเม อามิสสฺส จินนํ วฑฺฒนํ อามิสสนฺนิจโย, ธมฺมสฺส จินนํ วฑฺฒนํ ธมฺมสนฺนิจโย. [๑๖๓] ทฺวาทสเม อามิสสฺส วิปุลภาโว อามิสเวปุลฺลํ, ธมฺมสฺส วิปุลภาโว ธมฺมเวปุลฺลนฺติ. สนฺถารวคฺโค จตุตฺโถ. ------------ @เชิงอรรถ: ^๑ ฉ.ม.,อิ. อุปสคฺคมตฺตเมว ^๒ ฉ.ม.,อิ. มตฺถกปฺปตฺตาว @^๓ สี.,อิ. อาติเถยฺยาติ วา ^๔ ฉ.ม.,อิ. รติกรณตฺเถน

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๗๐. http://84000.org/tipitaka/read/attha_page.php?book=15&page=70&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1551&modeTY=2&pagebreak=1 http://84000.org/tipitaka/atthapali/th_line.php?B=15&A=1551&modeTY=2&pagebreak=1#p70