บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 62.
8. 3. Sanimittavaggavaṇṇanā [78-79] Tatiyassa paṭhame sanimittāti sakāraṇā. Dutiyādīsupi eseva nayo. Nidānahetusaṅkhārapaccayarūpanti sabbānipi hi etāni kāraṇavevacanāneva. [84] Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo. [87] Dasame saṅkhatārammaṇāti paccayanibbattaṃ saṅkhatadhammaṃ 1- ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu 2- dasasu ṭhānesu yāva arahattā desanā desitāti. Sanimittavaggo tatiyo. ----------- 9. 4. Dhammavaggavaṇṇanā [88] Catutthassa paṭhame cetovimuttīti phalasamādhi. Paññāvimuttīti phalapaññā. [89] Dutiye paggāhoti viriyaṃ. Avikkhepoti cittekaggatā. [90] Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ. [91] Catutthe vijjāti phalañāṇaṃ. Vimuttīti taṃsampayuttā 3- sesā dhammā. @Footnote: 1 i. paccayanibbattasaṅkhātaṃ dhammaṃ 2 Sī. evaṃ imesu 3 ka. sampayuttāThe Pali Atthakatha in Roman Character Volume 15 Page 62. http://84000.org/tipitaka/read/attha_page.php?book=15&page=62&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=1394&pagebreak=1 http://84000.org/tipitaka/atthapali/rm_line.php?B=15&A=1394&pagebreak=1#p62
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]