ATTHAKATHA Book 15 : PALI ROMAN
An.A. (manoratha.2)
Page 60.

      [64] Dvadasame ubhato vacisamsaroti dvisupi pakkhesu annamannam
akkosanapaccakkosanavasena samsaramana vaca vacisamsaro. Ditthipalasoti ditthim
nissaya uppajjanako yugaggahalakkhano palaso ditthipalaso nama. Cetaso
aghatoti kodho. 1- So hi cittam aghatento uppajjati. Appaccayoti atutthakaro,
domanassanti attho. Anabhiraddhiti kodhoyeva. 2- So hi anabhiradhanavasena anabhiraddhiti
vuccati. Ajjhattam avupasantam hotiti sabbametam niyakajjhattasankhate attano citte
ca saddhiviharikaantevasikasankhataya attano parisaya ca avupasantam hoti. Tasmetanti
tasmim etam. Sesam vuttanayeneva veditabbam. 3-
                         Puggalavaggo pathamo.
                           -----------
                        7. 2. Sukhavaggavannana
      [65] Dutiyassa pathame gihisukhanti gihinam sabbam kamanipphattimulakam sukham.
Pabbajitasukhanti pabbajitanam pabbajjamulakam sukham.
      [66] Dutiye kamasukhanti kame arabbha uppajjanakasukham. Nekkhammasukhanti
nekkhammam vuccati pabbajja, tam arabbha uppajjanakasukham.
      [67] Tatiye upadhisukhanti tebhumikasukham. Nirupadhisukhanti lokuttarasukham.
      [68] Catutthe sasavasukhanti asavanam paccayabhutam vattasukham. Anasavasukhanti
tesam apaccayabhutam vivattasukham.
@Footnote: 1 cha.Ma.,i. kopo  2 cha.Ma.,i. kopoyeva  3 cha.Ma.,i. veditabbanti


The Pali Atthakatha in Roman Character Volume 15 Page 60.
http://84000.org/tipitaka/read/attha_page.php?book=15&page=60&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=15&A=1356&modeTY=2&pagebreak=1
http://84000.org/tipitaka/atthapali/rm_line.php?B=15&A=1356&modeTY=2&pagebreak=1#p60