บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 368.
Pana vissatthakammanto gonasadiso puggalo kathitoti veditabbo. Chatthe sabbam uttanatthameva. 7. Khippanisantisuttavannana [97] Sattame khippanisantiti khippanisamano 1- sigham janitum samattho. Sutananca dhammananti sutapagunanam 2- tantidhammanam. Atthupaparikkhiti attham upaparikkhako. Atthamannaya dhammamannayati atthakathanca palinca janitva. Dhammanudhammapatipanno hotiti navannam lokuttaradhammanam anurupadhammabhutam sasilakam pubbabhagapatipadam patipanno hoti. No ca kalyanavaco hotiti na sundaravacano hoti. Na kalyanavakkaranoti na sundaravacanaghoso hoti. Poriyatiadihi saddhim nokaro yojetabboyeva. Gunaparipunnaya apalibuddhaya adosaya aggalitapadabyanjanaya attham vinnapetum samatthaya vacaya samannagato na hotiti attho. Imina upayena sabbattha attho veditabbo. 8. Attahitasuttavannana [98-99] Atthamam puggalajjhasayavasenapi dasabalassa desanananavilasenapi kathitam, navamam pancaveravasena vuttam. 10. Potaliyasuttavannana [100] Dasame kalenati yuttappayuttakalena. Khamatiti ruccati. Yadidam tatra tatra kalannutati ya esa tattha tattha kalam janana. Tam tam kalam natva hi avannarahassa avannakathanam vannarahassa ca vannakathanam panditanam pakatiti dasseti. Asuravaggo pancamo. Dutiyapannasako nitthito. @Footnote: 1 Ma. khippam nisamana 2 Si.,ka. dhatananca dhammahanti dhatapagunanamThe Pali Atthakatha in Roman Character Volume 15 Page 368. http://84000.org/tipitaka/read/attha_page.php?book=15&page=368&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=8493&modeTY=2&pagebreak=1 http://84000.org/tipitaka/atthapali/rm_line.php?B=15&A=8493&modeTY=2&pagebreak=1#p368
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]