บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 365.
Puttabhavena ceva puttesu jetthakabhavena ca na tava abhisittabhavena ca abhisekappatti atthaya acalappatto niccalapatto. Makaro nipatamattam. Kayena phusitvati namakayena phusitva. Yacitova bahulam civaram paribhunjatiti "idam bhante paribhunjatha"ti evam dayakehi yacamanehi upanitam civaram bahum paribhunjati, kincideva ayacitam, bakulatthero viya. Pindapatam khadiravanamagge sivalitthero viya. Senasanam atthakanagarasutte 1- anandatthero viya. Gilanapaccayam pilindavacchatthero viya. Tyassati te assa. Manapenevati manam alliyanakena. Samudacarantiti kattabbakiccani karonti pavattanti va. Upaharam upaharantiti kayikacetasikam upaharam upaharanti upaniyanti. Sannipatikaniti tinnampi sannipatena nibbattani. Utuparinamajaniti utuparinamato atisitaatiunhaututo jatani. Visamapariharajaniti accasanaatitthanadika visamapariharato jatani. Opakkamikaniti vadhabandhanadiupakkamena nibbattani. Kammavipakajaniti vinapi imehi karanehi kevalam pubbekatakammavipakavaseneva jatani. Catunnam jhanananti ettha khinasavanampi buddhanampi kiriyajjhananeva adhippetani. Sesam uttanatthamevati. 8. Samyojanasuttavannana [88] Atthame sasane laddhapatitthatta sotapannova samanamacaloti vutto, natibahugunatta na bahupattam viya saroruham sakadagami samanapundarikoti, tato bahutaragunatta satapattam 2- viya saroruham anagami samanapadumoti, thaddhabhavakaranam kilesanam sabbaso samucchinnatta mudubhavappatto khinasavo samanasukhumaloti. @Footnote: 1 Ma.Ma. 13/17/12, an. ekadasaka. 24/16/285 2 Ma. pattasatamattamThe Pali Atthakatha in Roman Character Volume 15 Page 365. http://84000.org/tipitaka/read/attha_page.php?book=15&page=365&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=8427&modeTY=2&pagebreak=1 http://84000.org/tipitaka/atthapali/rm_line.php?B=15&A=8427&modeTY=2&pagebreak=1#p365
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]