ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๕๙.

                         ๘. ๓. อปณฺณกวคฺค
                         ๑. ปธานสุตฺตวณฺณนา
     [๗๑] ตติยวคฺคสฺส ปฐเม อปณฺณกปฏิปทนฺติ อวิรุทฺธปฏิปทํ. ๑- โยนิ จสฺส
อารทฺธา โหตีติ การณญฺจสฺส ปริปุณฺณํ โหติ. อาสวานํ ขยายาติ อรหตฺตตฺถาย.
ทุติยํ อุตฺตานเมว.
                        ๓. สปฺปุริสสุตฺตวณฺณนา
     [๗๓] ตติเย อวณฺโณติ อคุโณ. ปาตุกโรตีติ กเถติ, ปากฏํ กโรติ. ปญฺหาภินีโตติ
ปญฺหตฺถาย อภินีโต. อหาเปตฺวา อลมฺพิตฺวาติ อปริหีนํ อลมฺพิตํ กตฺวา. เอตฺถ จ
อสปฺปุริโส ปาปิจฺฉตาย อตฺตโน อวณฺณํ ฉาเทติ, สปฺปุริโส ลชฺชิตาย อตฺตโน
วณฺณํ. อิทานิ ยสฺมา อสปฺปุริโส หิโรตฺตปฺปรหิโต สํวาเสน อวชานาติ, สปฺปุริโส ปน
หิโรตฺตปฺปสมนฺนาคโต สํวาเสนาปิ นาวชานาติ. ตสฺมา สปฺปุริสภาวสาธกํ ๒-
อธุนาคตวธุโกปมฺมํ ทสฺเสตุํ เสยฺยถาปิ ภิกฺขเว วธุกาติอาทิมาห. ตตฺถ วธุกาติ
สุณิสา. ติพฺพนฺติ พหลํ. เสสเมตฺถ อุตฺตานเมวาติ.
                        ๔-๕. อคฺคสุตฺตวณฺณนา
     [๗๔-๗๕] จตุตฺเถ สีลคฺคนฺติ อคฺคปฺปตฺตํ อุตฺตมสีลํ. เอเสว นโย สพฺพตฺถ.
ปญฺจเม รูปคฺคนฺติ ยํ รูปํ สมฺมสิตฺวา อรหตฺตํ ปาปุณาติ, อิทํ รูปคฺคํ นาม.
เสเสสุปิ เอเสว นโย. ภวคฺคนฺติ เอตฺถ ปน ยสฺมึ อตฺตภาเว ฐิโต อรหตฺตํ
ปาปุณาติ, เอตํ ภวคฺคํ นามาติ.
                        ๖. กุสินารสุตฺตวณฺณนา
     [๗๖] ฉฏฺเฐ อุปวตฺตเนติ ปาจีนคตาย สาลปนฺติยา อุตฺตเรน นิวตฺติตฺวา
ฐิตาย เวมชฺฌฏฺฐาเน. อนฺตเร ๓- ยมกสาลานนฺติ ทฺวินฺนํ สาลรุกฺขานํ อนฺตเร.
กงฺขาติ เทฺวฬฺหกํ. วิมตีติ วินิจฺฉิตุํ อสมตฺถตา. "พุทฺโธ นุ โข น พุทฺโธ
@เชิงอรรถ:  ฉ.ม. อวิรทฺธปฺปฏิปทํ          ฉ.ม. อสปฺปุริสภาวสาธกํ       ฉ.ม. อนฺตเรน



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๕๙. http://84000.org/tipitaka/read/attha_page.php?book=15&page=359&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8293&modeTY=2&pagebreak=1 http://84000.org/tipitaka/atthapali/th_line.php?B=15&A=8293&modeTY=2&pagebreak=1#p359


จบการแสดงผล หน้าที่ ๓๕๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]