ATTHAKATHA Book 15 : PALI ROMAN
An.A. (manoratha.2)
Page 349.

     Bahubheravanti bahubheravarammanehi samannagatam. Ratanavarananti 1- sattannam
pavararatananam. Alayanti nivasatthanam. Puthu savantiti bahuka hutva sandamana.
Sesamettha uttanameva.
                     2. Dutiyapunnabhisandasuttavannana
     [52] Dutiye ariyakantehiti maggaphalasampayuttehi. Tani hi ariyanam kantani
honti piyani manapani. Sesam suttante tava yam vattabbam siya, tam visuddhimagge
2- vuttameva.
     Gathasu pana saddhati sotapannassa saddha adhippeta. Silanti sotapannassa
silameva. Ujubhutanca dassananti kayavankadinam abhavena khinasavassa dassanam
ujubhutadassanannama. Ahuti kathayanti. Pasadanti buddhadhammasamghesu pasadam.
Dhammadassananti catusaccadhammadassanam.
                       3. Pathamasamvasasuttavannana
     [53] Tatiye sambahulapi kho gahapati ca gahapataniyo cati bahuka gahapatayo
ca gahapataniyo ca avahavivahakaranatthaya gacchanta tameva maggam patipanna
honti. Samvasati sahavasa ekatovasa. Chavo chavayati gunamaranena matatta
chavo gunamaraneneva mataya chavaya saddhim. Deviya saddhinti gunehi devibhutaya
saddhim. Dussiloti nissilo. Papadhammoti lamakadhammo. Akkosakaparibhasakoti dasahi
akkosavatthuhi akkosako bhayam dassetva tajjanena paribhasako. Evam sabbattha
attho veditabbo.
     Kadariyati thaddhamaccharino. Janipatayoti jayapatika. 3- Vadannuti yacakavacanassa
attham jananta. Sannatati silasannamena samannagata. Dhammajivinoti dhamme thatva
@Footnote: 1 Si.,ka. ratanaganananti       2 visuddhi. 1/192        3 cha.Ma. jayampatika


The Pali Atthakatha in Roman Character Volume 15 Page 349.
http://84000.org/tipitaka/read/attha_page.php?book=15&page=349&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=15&A=8077&modeTY=2&pagebreak=1
http://84000.org/tipitaka/atthapali/rm_line.php?B=15&A=8077&modeTY=2&pagebreak=1#p349