Addhanam tittheyya. Tatheva hotiti tadisova hoti, pakatim na jahati. Khippanhi
vetiti sigham vigacchati.
8. Visakhasuttavannana
[48] Atthame pancaliputtoti pancalibrahmaniya 1- putto. Poriya
vacayati paripunnavacaya. Vissatthayati apalibuddhaya. Anelagalayati niddosaya
ceva agalitaya ca aviparitabyanjanaya. 2- Pariyapannayati vivattapariyapannaya.
Anissitayati vattam anissitaya. Vivattanissitameva katva katheti, vattanissitam
katva na kathetiti ayamettha adhippayo.
Nabhasamananti na akathentam. Amatam padanti nibbanapadam. Bhasayeti obhaseyya.
Jotayeti tasseva vevacanam. Pagganhe isinam dhajanti abbhuggatatthena navavidho
lokuttaradhammo isinam dhajo nama vuccati, tamenam pagganheyya, uccam katva
katheyyati attho. Navalokuttaradhammadipakam subhasitam dhajo etesanti subhasitaddhaja.
Isayoti buddhadayo ariya. Dhammo hi isinam dhajoti hettha vuttanayeneva
lokuttaradhammo isinam dhajo namati.
9. Vipallasasuttavannana
[49] Navame sannavipallasati sannaya vipallatthabhava, catasso viparitasannayoti
attho. Sesapadadvayepi eseva nayo. Anicce bhikkhave niccanti sannavipallasoti
aniccavatthusmim "niccam idan"ti evam gahetva uppajjanakasanna,
sannavipallasoti attho. Imina nayena sabbapadesu attho veditabbo.
Anattani ca attati anattani "atta"ti evam sanninoti attho.
Micchaditthihatati na kevalam sanninova, sannaya viya uppajjamanaya micchaditthiyapi
@Footnote: 1 cha.Ma. pancalaputtoti pancalabrahmaniya
@2 Si. anapatitapadabyanjanaya, cha.Ma. apatitapadabyanajanaya
The Pali Atthakatha in Roman Character Volume 15 Page 346.
http://84000.org/tipitaka/read/attha_page.php?book=15&page=346&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=8006&modeTY=2&pagebreak=1
http://84000.org/tipitaka/atthapali/rm_line.php?B=15&A=8006&modeTY=2&pagebreak=1#p346
