romanATTHA book 15 Page 343.

Uppado. Atthangamoti pana bhedo adhippeto. Vedanadisupi eseva nayo. Idanca pana me tam bhikkhave sandhaya bhasitanti bhikkhave yam maya etam punnakapanhe "sankhaya lokasmin"tiadi bhasitam, tam idam phalasamapattim sandhaya bhasitanti attho. Tattha sankhayati nanena janitva. Lokasminti sattaloke. Paroparaniti avacani uttamani. ^1- Injitanti calanam. ^2- Natthi kuhinci loketi lokasmim katthaci ekakkhandhepi ekayatanepi ekadhatuyapi ekarammanepi natthi. Santoti paccanikakkilesavupasamena santo. Vidhumoti kodhadhumena vigatadhumo. Evamettha suttante maggekaggatampi kathetva gathaya phalasamapattiyeva kathitati. 2. Panhabyakaranasuttavannana [42] Dutiye yo ca nesam ^3- tattha tattha, janati anudhammatanti yo ca tesam ^4- panhanam tasmim tasmim thane byakaranam janati. Catupanhassa kusalo, ahu bhikkhum tathavidhanti tathavidham bhikkhum tesu catusu panhesu kusaloti evam vadanti. Durasado duppasahoti parehi ghattetum va abhibhavitum va na sakka. Gambhiroti sattasidantaramahasamuddo viya gambhiro. Duppadhamsiyoti dummocayo, gahitaggahanam vissajjapetum na sakkati attho. Atthe anatthe cati vuddhiyanca avuddhiyanca. Atthabhisamayati atthasamagamena. Dhiro panditoti pavuccatiti dhitisampanno puggalo "pandito ayan"ti evam pavuccati. 3-4. Kodhagarusuttadvayavannana [43-44] Tatiye kodhagaru na saddhammagaruti kodham garavena garum katva ganhati na saddhammam, saddhammam pana agaravena lamakam katva ganhati. Sesapadesupi eseva nayo. @Footnote: ¹ cha.Ma. uccavacani uttamadhamani ² cha.Ma. calitam @³ cha.Ma. tesam ⁴ cha.Ma. yo etesam

The Pali Atthakatha in Roman Character Volume 15 Page 343. http://84000.org/tipitaka/read/attha_page.php?book=15&page=343&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7938&modeTY=2&pagebreak=1 http://84000.org/tipitaka/atthapali/rm_line.php?B=15&A=7938&modeTY=2&pagebreak=1#p343