บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 335.
Bhavagge nibbattasatta. Aggamakkhayatiti gunehi aggo uttamo setthoti akkhayati. Asankhatati nibbanameva gahetva vuttam. Viragotiadini nibbanasseva namani. Tanhi agamma sabbakilesa virajjanti, sabbe ragamadadayo mada nimmada honti, abhavam gacchanti, sabba pipasa vinayam upenti, sabbe alaya samugghatam gacchanti, vattani upacchijjanti, tanha khiyanti, vattadukkha nirujjanti, sabbaparilaha nibbayanti. Tasma etani namani labhati. Sesamettha uttanamevati. 5. Vassakarasuttavannana [35] Pancame anussaritati anugantva sarita, aparaparam saritum samatthoti attho. Dakkhoti cheko. Tatrupayayati "imasmim kale imam nama kattabban"ti evam tattha tattha upayabhutaya pannaya samannagato. Anumoditabbanti abhinanditabbam. Patikkositabbanti patikkhipitabbam. Neva kho tyahanti neva kho te aham. Kasma panetam bhagava nabhinandati, na patikkhipatiti? lokiyatta nabhinandati, Lokiyam attham gahetva thitatta na patikkosati. Bahussa janatati bahu assa janata. Idanca karanatthe samivacanam veditabbam. Ariye nayeti sahavipassanake magge, kalyanadhammata kusaladhammatatipi tasseva namani. Yam vitakkanti nekkhamma- vitakkadisu annataram. Na tam vitakkam vitakketiti kamavitakkadisu ekampi na vitakketi. Itaram tasseva vevacanam. Vitakkapathesuti ettha vitakkoyeva vitakkapatho. Aham hi brahmanatiadisu pathamanayena khinasavassa silanceva bahusaccanca kathitam, dutiyatatiyehi khinasavassa kiriyavitakkani ceva kiriyajjhanani ca, catutthena khinasavabhavo kathitoti veditabbo. Maccupasa pamocananti maccupasa pamocanakam maggam. Nayam dhammanti sahavipassanakam maggam. Disva ca sutva cati naneneva passitva ca sunitva ca. Sesamettha uttanameva.The Pali Atthakatha in Roman Character Volume 15 Page 335. http://84000.org/tipitaka/read/attha_page.php?book=15&page=335&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7754&modeTY=2&pagebreak=1 http://84000.org/tipitaka/atthapali/rm_line.php?B=15&A=7754&modeTY=2&pagebreak=1#p335
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]