บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 303.
Sabbalokam abhinnayati 1- tedhatukalokasannivasam janitva. Sabbam loke yathatathanti tasmim tedhatukalokasannivase yankinci neyyam, sabbam tam yathatatham aviparitam janitva. Visamyuttoti catunnam yoganam pahanena visamyutto. Anupayoti 2- tanhaditthiupayehi virahito. Sabbabhibhuti rupadini sabbarammanani abhibhavitva thito. Dhiroti dhitisampanno. Sabbaganthappamocanoti sabbe cattaropi ganthe mocetva thito. Phutthassati phuttha assa. Idanca karanatthe samivacanam. Parama santiti nibbanam. Tanhi tena nanaphusanena phuttham. Tenevaha nibbanam akutobhayanti. Athava parama santiti uttama santi. Katara sati? nibbanam. Yasma pana nibbane kutoci bhayam natthi, tasma tam akutobhayanti vuccati. Vimutto upadhisankhayeti upadhisankhayasankhate nibbane tadarammanaya phalavimuttiya vimutto. Siho anuttaroti parissayanam sahanatthena kilesananca himsanatthena 3- tathagato anuttaro siho nama. Brahmanti settham. Ititi evam tathagatassa gune janitva. Sangammati samagantva. Nanti tathagatam. Nam namassantiti tam tathagatam te saranam gata namassanti. Idani yam vadanta te namassanti, tam dassetum dantotiadi vuttam. Tam uttanatthamevati. 4. Kalakaramasuttavannana [24] Catuttham atthuppattiyam nikkhittam. Kataraya atthuppattiyati 4- dasabalassa gunakathaya. Anathapindikassa kira dhita culasubhadda "saketanagare kalakasetthiputtassa 5- geham gamissami"ti sattharam upasankamitva "bhante aham micchaditthikakulam gacchami. Sace tattha sakkaram labhissami, ekasmim purise pesiyamane papanco bhavissati, mam avajjeyyatha bhagava"ti patinnam gahetva agamasi. Setthi "sunisa me agata"ti mangalam karonto 6- bahum khadaniyabhojaniyam patiyadetva @Footnote: 1 cha.Ma. sabbam lokam abhinnati 2 pali. anussayoti @3 Ma. pahinatthena 4 cha.Ma. atthuppattiyanti @5 Ma. kolikasetthiputtassa 6 cha.Ma. karontovaThe Pali Atthakatha in Roman Character Volume 15 Page 303. http://84000.org/tipitaka/read/attha_page.php?book=15&page=303&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7007&modeTY=2&pagebreak=1 http://84000.org/tipitaka/atthapali/rm_line.php?B=15&A=7007&modeTY=2&pagebreak=1#p303
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]