ATTHAKATHA Book 15 : PALI ROMAN
An.A. (manoratha.2)
Page 301.

     Uddhatenati uddhaccasahagatena. Samphancati samphappalapam. 1- Asamahitasankappoti
atthapitasankapPo. Magoti magasadiso. 2- Arati dure. Thavareyyamhati thavarabhavato.
3- Papaditthiti lamakaditthi. Anadaroti adararahito. Sutavati sutena upagato.
Patibhanavati duvidhena patibhanena samannagato. Pannayattham vipassatiti saha
vipassanaya maggapannaya catunnam saccanam attham vinivijjhitva passati. Paragu
sabbadhammananti sabbesam khandhadidhammanam param gato, abhinnaparagu parinnaparagu
pahanaparagu bhavanaparagu sacchikiriyaparagu samapattiparaguti evam chabbidhena
paragamanena sabbadhammanam param pariyosanam gato. Akhiloti ragakhiladivirahito.
Patibhanavati duvidheneva patibhanena samannagato. Brahmacariyassa kevaliti
sakalabrahmacariyo. Sesamettha uttanamevati.
                         3. Lokasuttavannana
     [23] Tatiye lokoti dukkhasaccam. Abhisambuddhoti nanena 4- paccakkho kato.
Lokasmati dukkhasaccato. Pahinoti mahabodhimande arahattamaggananena pahino.
Tathagatassa bhavitati tathagatena bhavita.
     Evam ettakena thanena 5- catuhi saccehi attano buddhabhavam 6- kathetva idani
tathagatabhavam kathetum yam bhikkhavetiadimaha. Tattha ditthanti rupayatanam. Sutanti
saddayatanam. Mutanti patva gahetabbato gandhayatanam rasayatanam photthabbayatanam. 7-
Vinnatanti sukhadukkhadidhammarammanam. Pattanti pariyesitva va apariyesitva va
pattam. Pariyesitanti pattam va appattam va pariyesitam. Anuvicaritam manasati cittena
anusancaritam. 8-
@Footnote: 1 cha.Ma. samphanti palapakatham          2 ka. migoti migasadiso
@3 Si. thavarabhavato thirabhavato       4 cha. nato
@5 Ma. karanena                  6 Ma. anubuddhakiccam
@7 Si. gandharasaphotthabbayatanam         8 Ma. anuvicaritam


The Pali Atthakatha in Roman Character Volume 15 Page 301.
http://84000.org/tipitaka/read/attha_page.php?book=15&page=301&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=15&A=6958&modeTY=2&pagebreak=1
http://84000.org/tipitaka/atthapali/rm_line.php?B=15&A=6958&modeTY=2&pagebreak=1#p301