บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 295.
10. Bhattuddesakasuttavannana [20] Dasame bhattuddesakoti salakabhattadinam 1- uddesako. Kamesu asannatati 2- vatthukamesu kilesakamehi asannata. Parisakasato 3- ca panesa vuccatiti ayanca pana so evarupo parisakacavaro nama vuccatiti attho. Samanenati vuddhasamanena. Parisaya mando ca panesa vuccatiti ayam evarupa parisa vippasannena parisamandoti vuccatiti. Caravaggo dutiyo. ------------ 3. Uruvelavagga 1. Pathamauruvelasuttavannana [21] Tatiyassa pathame uruvelayanti ettha uruvela mahavela, maha- valikarasiti attho. Athava uruti valika vuccati, velati mariyada. Velatikkamanahetu ahata uru uruvelati evamettha attho datthabbo. Atite kira anuppanne buddhe dasasahassa kulaputta tapasapabbajjam pabbajitva tasmim padese viharanta ekadivasam sannipatitva katikavattam akamsu "kayakammavacikammani nama paresampi pakatani honti, manokammam pana apakatam. Tasma yo kamavitakkam va byapadavitakkam va vihimsavitakkam va vitakketi, tassa anno codako nama natthi. So attanava attanam codetva pattaputena valikam aharitva imasmim thane akiratu, idamassa dandakamman"ti. Tato patthaya yo tadisam vitakkam vitakketi, so tattha pattaputena valikam akirati, evam tattha anukkamena mahavalikarasi jato. 4- @Footnote: 1 Ma. salakabhattadini 2 cha.Ma. asamyatati @3 Si.,i.,ka. parisakkasavo 4 ka....rasi jataThe Pali Atthakatha in Roman Character Volume 15 Page 295. http://84000.org/tipitaka/read/attha_page.php?book=15&page=295&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6819&modeTY=2&pagebreak=1 http://84000.org/tipitaka/atthapali/rm_line.php?B=15&A=6819&modeTY=2&pagebreak=1#p295
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]