บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 294.
6. Sokhummasuttavannana [16] Chatthe sokhummaniti sukhumalakkhanapativijjhanakani nanani. Rupasokhummena samannagato hotiti rupe sanhasukhumalakkhanapariggahakena nanena samannagato hoti. Paramenati uttamena. Tena ca rupasokhummenati tena yava anulomabhavam pattena sukhumalakkhanapariggahakena nanena. 1- Na samanupassatiti natthibhavena 2- na passati. Na patthetiti 3- natthibhaveneva na pattheti. Vedanasokhummadisupi eseva nayo. Rupasokhummatam natvati rupakkhandhassa sanhasukhumalakkhanapariggahakena nanena sukhumatam janitva. Vedanananca sambhavanti vedanakkhandhassa ca pabhavam janitva. Sanna yato samudetiti yasma karana sannakkhandho samudeti nibbattati, tanca janitva. Attham gacchati yattha cati yasmim thane nirujjhati, tanca janitva. Sankhare parato natvati sankharakkhandham aniccataya palujjanasabhavena 4- parato janitva. Imina hi padena aniccanupassana kathita, dukkhato no ca attatoti imina dukkhanattanupassana. Santoti kilesasantataya santo. Santipade ratoti nibbane rato. Imasmim 5- suttante catusu thanesu vipassanava kathita, gathasu lokuttaradhammopiti. 7. Pathamaagatisuttavannana [17-19] Sattame agatigamananiti na gatigamanani. Chandagatim gacchatiti chandena agatim gacchati, akattabbam karoti. Sesesupi eseva nayo. Chanda dosa bhaya mohati chandena dosena bhayena mohena. Ativattatiti atikkamati. Atthame 6- uttanameva. Navamam 7- tathabujjhanakaranam vasena dvihipi nayehi kathitam. @Footnote: 1 Ma....pariggahakaranena 2 cha.Ma....bhaveneva 3 ka. patthetiti @4 cha.Ma. lujjanabhavena 5 cha.Ma. iti @6 cha.Ma. atthamam 7 cha.Ma. navameThe Pali Atthakatha in Roman Character Volume 15 Page 294. http://84000.org/tipitaka/read/attha_page.php?book=15&page=294&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6796&modeTY=2&pagebreak=1 http://84000.org/tipitaka/atthapali/rm_line.php?B=15&A=6796&modeTY=2&pagebreak=1#p294
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]