ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๙๑.

     ยตญฺจเรติ ยถา จรนฺโต ยโต โหติ สํยโต, ๑- เอวํ จเรยฺย. เอส นโย
สพฺพตฺถ. อจฺเฉติ นิสีเทยฺย. ยตเมตํ ๒- ปสารเยติ ยํ องฺคปจฺจงฺคํ ปสาเรยฺย, ตํ
ยตํ ปสฺสทฺธเมว ๓- กตฺวา ปสาเรยฺย. อุทฺธนฺติ อุปริ. ติริยนฺติ มชฺฌํ. อปาจีนนฺต
อโธ. เอตฺตาวตา อตีตา ปจฺจุปฺปนฺนา อนาคตา จ ปญฺจกฺขนฺธา กถิตา. ยาวตาติ
ปริจฺเฉทวจนํ. ชคโต คตีติ โลกสฺส นิปฺผตฺติ. สมเวกฺขิตา จ ธมฺมานํ, ขนฺธานํ
อุทยพฺพยนฺติ เอเตสํ สพฺพโลเก อตีตาทิเภทานํ ปญฺจกฺขนฺธธมฺมานํ อุทยญฺจ
วยญฺจ สมเวกฺขิตา, "ปญฺจนฺนํ ขนฺธานํ ๔- อุทยํ ปสฺสนฺโต ปญฺจวีสติ ลกฺขณานิ
ปสฺสติ, วยํ ปสฺสนฺโต ปญฺจวีสติ ลกฺขณานิ ปสฺสตี"ติ วุตฺเตหิ สมปญฺญาสาย
ลกฺขเณหิ สมฺมา อเวกฺขิตา โหติ. เจโตสมถสามีจินฺติ จิตฺตสมถสฺส อนุจฺฉวิกํ
ปฏิปทํ. สิกฺขมานนฺติ ปฏิปชฺชมานํ, ปูรยมานนฺติ อตฺโถ. ปหิตตฺโตติ เปสิตตฺโต.
อาหูติ กถยนฺติ. เสสเมตฺถ อุตฺตานเมว. อิมสฺมึ ปน สุตฺเต สีลมิสฺสกํ กเถตฺวา
คาถาสุ ขีณาสโว กถิโต.
                         ๓. ปธานสุตฺตวณฺณนา
     [๑๓] ตติเย สมฺมปฺปธานานีติ สุนฺทรปฺปธานานิ อุตฺตมวิริยานิ.
สมฺมปฺปธานาติ ปริปุณฺณวิริยา. มารเธยฺยาภิภูตาติ ๕- เต ภูมิกวฏฺฏสงฺขาตํ
มารเธยฺยํ อภิภวิตฺวา ๖- สมติกฺกมิตฺวา ฐิตา. เต อสิตาติ เต ขีณาสวา อนิสฺสิตา
นาม. ชาติมรณภยสฺสาติ ชาติญฺจ มรณญฺจ ปฏิจฺจ อุปฺปชฺชนกภยสฺส, ชาติมรณ-
สงฺขาตสฺเสว วา ภยสฺส. ปารคูติ ปารํ คตา. เต ตุสิตาติ เต ขีณาสวา ตุฏฺฐา
นาม. เชตฺวา มารํ สวาหนนฺติ ๗- สเสนกํ มารํ ชินิตฺวา ๘- ฐิตา. เต อเนชาติ
เต ขีณาสวา ตณฺหาสงฺขาตาย เอชาย อเนชา นิจฺจลา นาม. นมุจิพลนฺติ
@เชิงอรรถ:  ม. ยถา จเรติ ยถา จรนฺโต วิคโต โหติ, ตถา โส   สี. ยตเมว นํ, ฉ.ม. ยตเมนํ
@ ม. ตสฺส ตํ สุสฺสตเมว, ฉ. สํยตเมว          ฉ.ม. ปญฺจกฺขนฺธานํ
@ สี. มารเธยฺยาธิภุโนติ                     สี. อธิภวิตฺวา
@ ฉ. สวาหินินฺติ                           สี. นิชฺชิตฺวา



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๙๑. http://84000.org/tipitaka/read/attha_page.php?book=15&page=291&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6725&modeTY=2&pagebreak=1 http://84000.org/tipitaka/atthapali/th_line.php?B=15&A=6725&modeTY=2&pagebreak=1#p291


จบการแสดงผล หน้าที่ ๒๙๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]