บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 290.
2. Caravagga 1. Carasuttavannana [11] Dutiyassa pathame adhivasetiti cittam adhiropetva vaseti. Nappajahatiti na pariccajati. Na vinodetiti na niharati. Na byantikarotiti na vigatantam paricchinnaparivatumam 1- karoti. Na anabhavam gametiti na anuabhavam avaddhim vinasam gameti. Carampiti carantopi. Anatapiti nibbiriyo. Anottapiti upavadabhayarahito. Satatanti niccam. Samitanti nirantaram. Evam sabbattha attham natva sukkapakkhavuttapariyayena attho veditabbo. Gathasu gehanissitanti kilesanissitam. Mohaneyyesuti mohajanakesu arammanesu. Abhabboti abhajanabhuto. Phutthum sambodhimuttamanti arahattasankhatam 2- uttamam nanam phusitum. 2. Silasuttavannana [12] Dutiye sampannasilati paripunnasila. Sampannapatimokkhati paripunna- patimokkha. Patimokkhasamvarasamvutati patimokkhasamvarasilena samvuta pihita upeta hutva viharatha. Acaragocarasampannati acarena ca gocarena ca sampanna samupagata bhavatha. Anumattesu vajjesuti anuppamanesu dosesu. Bhayadassavinoti tani anumattani vajjani bhayato dassanasila. Samadaya sikkhatha sikkhapadesuti sabbattha sikkhakotthasesu tam tam samadatabbam 3- samadaya gahetva sikkhatha. "sampannasilanam .pe. Sikkhapadesu"ti ettakena dhammakkhanena 4- sikkhattaye samadapetva ceva patiladdhagunesu ca vannam kathetva idani uttarim katabbattham 5- dassento kimassatiadimaha. Tattha kimassati kim bhaveyya. @Footnote: 1 Ma. na nibbinnam pariccattam vigatantam 2 cha.Ma. arahattamaggasankhatam @3 cha.Ma. sabbasikkhakotthasesu samadatabbam 4 Ma. dhammena 5 cha.Ma. uttari katabbamThe Pali Atthakatha in Roman Character Volume 15 Page 290. http://84000.org/tipitaka/read/attha_page.php?book=15&page=290&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6702&modeTY=2&pagebreak=1 http://84000.org/tipitaka/atthapali/rm_line.php?B=15&A=6702&modeTY=2&pagebreak=1#p290
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]