ATTHAKATHA Book 15 : PALI ROMAN
An.A. (manoratha.2)
Page 279.

                          Catukkanipatavannana
                          1. Pathamapannasaka
                          1. Bhandagamavagga
                        1. Anubuddhasuttavannana
     [1] Catukkanipatassa pathame ananubodhati abujjhanena ajananena.
Appativedhati appativijjhanena appaccakkhakiriyaya. Dighamaddhananti cirakalam.
Sandhavitanti bhavato bhavam gamanavasena sandhavitam. Samsaritanti punappunam gamanagamana-
vasena 1- samsaritam. Mamanceva tumhakancati maya ca tumhehi ca. Athava sandhavitam
samsaritanti sandhavanam samsaranam mama ceva tumhakanca ahositi evamettha attho
veditabbo. Ariyassati niddosassa. Silasamadhipannati ime pana tayopi 2- dhamma
maggaphalasampayuttava veditabba, vimuttinamena phalameva niddittham. Bhavatanhati
bhavesu tanha. Bhavanettiti bhavarajju. Tanhayaeva etam namam. Taya hi satta
gona viya givayam bandhitva tam tam bhavam niyyanti. 3- Tasma bhavanettiti vuccati.
     Anuttarati lokuttaRa. Dukkhassantakaroti vattadukkhassa antakaro. Cakkhumati
pancahi cakkhuhi cakkhuma. Parinibbutoti kilesaparinibbanena parinibbuto. Idamassa
bodhimande pathamaparinibbanam, paccha pana yamakasalanamantare anupadisesaya
nibbanadhatuya parinibbuto yathanusandhina desanam nitthapesi.
                         2. Papatitasuttavannana
     [2] Dutiye papatitoti cuto. Appapatitoti patitthito. 4- Tattha lokiyamahajano
patitoyeva nama, sotapannadayo kilesuppattikkhane patita nama. Khinasavo
ekantapatitthito nama.
@Footnote: 1 Ma. bhavagamanavasena   2 cha.Ma. tayo
@3 cha.Ma. niyanti      4 cha.Ma. apatito patitthito


The Pali Atthakatha in Roman Character Volume 15 Page 279.
http://84000.org/tipitaka/read/attha_page.php?book=15&page=279&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=15&A=6449&modeTY=2&pagebreak=1
http://84000.org/tipitaka/atthapali/rm_line.php?B=15&A=6449&modeTY=2&pagebreak=1#p279