อรรถกถาเล่มที่ ๑๕ หน้าที่ ๒๗๔.

๑๓. ตติยโมรนิวาปสุตฺตวณฺณนา [๑๔๖] เตรสเม สมฺมาทิฏฺฐิยาติ ผลสมาปตฺตตฺถาย วิปสฺสนาสมฺมาทิฏฺฐิยา. ^๑- สมฺมาญาเณนาติ ผลญาเณน. สมฺมาวิมุตฺติยาติ เสเสหิ ผลสมาปตฺติธมฺเมหิ. อิเมสุ ตีสุปิ สุตฺเตสุ ขีณาสโวว กถิโตติ. โยธาชีววคฺโค จตุตฺโถ. ----------- ๑๕. ๕. มงฺคลวคฺค ๑-๙. อกุสลสุตฺตาทิวณฺณนา [๑๔๗-๑๕๐] ปญฺจมสฺส ปฐเม ยถาภูตํ นิกฺขิตฺโตติ ยถา อาเนตฺวา ฐปิโต. ทุติเย สาวชฺเชนาติ สโทเสน. ตติเย วิสเมนาติ สปกฺขลเนน. สเมนาติ นิปฺปกฺขลเนน. ^๒- จตุตฺเถ อสุจินาติ คูถสทิเสน อเมชฺเฌน. ^๓- สุจินาติ ปริสุทฺเธน เมชฺเฌน. ปญฺจมาทีนิ อุตฺตานตฺถาเนว. ^๔- ๑๐. ปุพฺพณฺหสุตฺตวณฺณนา [๑๕๖] ทสเม สุนกฺขตฺตนฺติอาทีสุ ยสฺมึ ทิวเส ตโย สุจริตธมฺมา ปูริตา โหนฺติ, โส ทิวโส ลทฺธนกฺขตฺตโยโค นาม, เตนสฺส สทา สุนกฺขตฺตํ นาม โหตีติ วุจฺจติ. เสฺวว ทิวโส กตมงฺคโล นาม โหติ, เตนสฺส สทา สุมงฺคลนฺติ วุจฺจติ. ปภาตมฺปิสฺส สทา สุปฺปภาตเมว. สยนโต อุฏฺฐานํปิ สุหุฏฺฐิตเมว, ^๕- ขโณปิ สุกฺขโณว, มุหุตฺโตปิ สุมุหุตฺโตว. เอตฺถ จ ทสจฺฉรปฺปมาโณ กาโล ขโณ นาม, เตน ขเณน ทสกฺขโณ กาโล ลโย นาม, เตน ลเยน จ ทสลโย กาโล @เชิงอรรถ: ^๑ ฉ.ม. สมฺมาทิฏฺฐิยา ^๒ ฉ.ม. อปกฺขลเนน @^๓ ฉ.ม. คูถสทิเสน อปริสุทฺเธน อเมชฺเฌน @^๔ ฉ.ม. อุตฺตานาเนว ^๕ สี. สุวุฏฺฐิตเมว

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๗๔. http://84000.org/tipitaka/read/attha_page.php?book=15&page=274&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6356&modeTY=2&pagebreak=1 http://84000.org/tipitaka/atthapali/th_line.php?B=15&A=6356&modeTY=2&pagebreak=1#p274