บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๒๗๒.
ยงฺกิญฺจิ รูปนฺติอาทิ วิสุทฺธิมคฺเค วิตฺถาริตเมว. เนตํ มมาติอาทิ ตณฺหามานทิฏฺฐิปฏิกฺเขปวเสน ๑- วุตฺตํ. สมฺมปฺปญฺญาย ปสฺสตีติ สมฺมา เหตุนา การเณน สห วิปสฺสนาย มคฺคปญฺญาย ปสฺสติ. ปทาเลตีติ อรหตฺตมคฺเคน ปทาเลติ. ๒. ปริสาสุตฺตวณฺณนา [๑๓๕] ทุติเย อุกฺกาจิตวินีตาติ อปฺปฏิปุจฺฉิตฺวา วินีตา ทุพฺพินีติปริสา. ปฏิปุจฺฉาวินีตาติ ปุจฺฉิตฺวา วินีตา สุวินีตปริสา. ยาวตชฺฌาวินีตาติ ๒- ปมาณวเสน วินีตา, ปมาณํ ญตฺวา วินีตา ปริสาติ อตฺโถ. "ยาวตชฺฌา"ติ ปาลิยา ยาว ปโยคอชฺฌาสเยนาติ ๓- อตฺโถ, อชฺฌาสยํ ญตฺวา วินีตา ปริสาติ วุตฺตํ โหติ. ตติยํ อุตฺตานเมวาติ. ๔. อุปฺปาทาสุตฺตวณฺณนา [๑๓๗] จตุตฺเถ ธมฺมฏฺฐิตตาติ สภาวฏฺฐิตตา. ๔- ธมฺมนิยามตาติ สภาเวน นิยามตา. ๕- สพฺเพ สงฺขาราติ จตุภูมิกสงฺขารา. อนิจฺจาติ หุตฺวา อภาวฏฺเฐน อนิจฺจา. ทุกฺขาติ สมฺปฏิปีฬนฏฺเฐน ทุกฺขา. อนตฺตาติ อวสวตฺตนฏฺเฐน อนตฺตา. อิติ อิมสฺมึ สุตฺเต ตีณิ ลกฺขณานิ มิสฺสกานิ กถิตานิ. ๕. เกสกมฺพลสุตฺตวณฺณนา [๑๓๘] ปญฺจเม ตนฺตาวุตานํ วตฺถานนฺ ติ ปจฺจตฺตตฺเถ ๖- สามิวจนํ, ตนฺเตหิ วายิตวตฺถานีติ อตฺโถ. เกสกมฺพโลติ มนุสฺสเกเสหิ วายิตกมฺพโล. ปุถุสมณปฺปวาทานนฺติ ๗- อิทํปิ ปจฺจตฺตตฺเถ สามิวจนํ. ปฏิกิฏฺโฐติ ปจฺฉิมโก ลามโก. โมฆปุริโสติ ตุจฺฉปุริโส มูฬฺหปุริโส. ๘- ปฏิพาหตีติ ปฏิเสเธติ. ขิปํ อุฑฺเฑยฺยา ติ กุมินํ อุฑฺเฑยฺย. ๙- ฉฏฺฐสตฺตมานิ อุตฺตานตฺถาเนว. @เชิงอรรถ: ๑ ม....ปฏิปกฺขวเสน ๒ ก. ยาวตา จ วินีตาติ, ฉ.ม. ยาวตาวินีตาติ @๓ สี.,อิ. ยาว อชฺฌาสเยติ, ม. ปาฬิยา ปโยคอชฺฌาสโยติ, ฉ. ยาว อชฺฌาสยาติ @๔ ม. วิปสฺสนาธมฺเม ฐิตตา ๕ ฉ. สภาวนิยามตา ๖ ฉ.ม.,อิ. ปจฺจตฺเต @๗ ฉ.ม. ปุถุสมณพฺราหฺมณวาทานนฺติ, สี.,อิ. สมณปฺปวาทานนฺติ @๘ ฉ.ม. อยํ ปาโฐ น ทิสฺสติ ๙ ฉ.ม.,อิ. โอฑฺเฑยฺยเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๗๒. http://84000.org/tipitaka/read/attha_page.php?book=15&page=272&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6308&modeTY=2&pagebreak=1 http://84000.org/tipitaka/atthapali/th_line.php?B=15&A=6308&modeTY=2&pagebreak=1#p272
จบการแสดงผล หน้าที่ ๒๗๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]