บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๒๗๑.
๑๐. เลขสุตฺตวณฺณนา [๑๓๓] ทสเม อภิณฺหนฺติ อภิกฺขณํ นิรนฺตรํ. อาคาเฬฺหนาติ คาเฬฺหน กกฺขเฬน. ผรุเสนาติ ผรุสวจเนน. คาฬฺหํ กตฺวา ผรุสํ กตฺวา วุจฺจมาโนปีติ อตฺโถ. อมนาเปนาติ มนํ อนลฺลียนฺเตน อวฑฺฒนฺเตน. สนฺธิยติเยวาติ ๑- ฆฏิยติเยว. สํสนฺทติเยวาติ นิรนฺตโรว โหติ. สมฺโมทติเยวาติ เอกีภาวเมว คจฺฉติ. เสสํ สพฺพตฺถ อุตฺตานเมวาติ. กุสินารวคฺโค ตติโย. --------------- ๑๔. ๔. โยธาชีววคฺค ๑. โยธาชีวสุตฺตวณฺณนา [๑๓๔] จตุตฺถสฺส ปฐเม ยุทฺธํ อุปชีวตีติ โยธาชีโว. ราชารโหติ รญฺโญ อนุจฺฉวิโก. ราชโภคฺโคติ รญฺโญ อุปโภคปริโภโค. องฺคนฺเตว สงฺขํ ๒- คจฺฉตีติ หตฺโถ วิย ปาโท วิย จ อวสฺสํ อิจฺฉิตพฺพตฺตา องฺคนฺติ สงฺขํ คจฺฉติ. ทูเร ปาตี โหตี ติ อุทเก อุสภมตฺตํ, ถเล อฏฺฐุสภมตฺตํ, ตโต วา อุตฺตรินฺติ ทูเร กณฺฑํ ปาเตติ, ทุฏฺฐคามณิอภยสฺส หิ โยธาชีโว นวอุสภมตฺตํ กณฺฑํ ปาเตติ, ๓- ปจฺฉิมภเว โพธิสตฺโต โยชนปฺปมาณํ. อกฺขณเวธีติ อวิราธิตเวธี, อกฺขณํ วา วิชฺชุ วิชฺชนฺตริกาย วิชฺฌิตุํ สมตฺโถติ อตฺโถ. มหโต กายสฺส ปทาเลตา ติ เอกโต พทฺธํ ผลกสตมฺปิ มหึสจมฺมสตมฺปิ องฺคุฏฺฐปฺปมาณพหลํ โลหปฏฺฏมฺปิ จตุรงฺคุลพหลํ อสนปทรมฺปิ วิทตฺถิพหลํ อุทุมฺพรปทรมฺปิ ทีฆโต ๔- วาลิกาสกฏมฺปิ วิชฺฌิตุํ ๕- สมตฺโถติ อตฺโถ. @เชิงอรรถ: ๑ ฉ.ม.,อิ. สนฺธิยติเมวาติ ๒ ฉ.ม.สงฺขฺยํ ๓ ฉ.ม.,อิ. ปาเตสิ @๔ ฉ.ม. ทีฆนฺเตน, อิ. ทีฆตฺเตน ๕ ฉ.ม.,อิ. วินิวิชฺฌิตุํเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๗๑. http://84000.org/tipitaka/read/attha_page.php?book=15&page=271&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6286&modeTY=2&pagebreak=1 http://84000.org/tipitaka/atthapali/th_line.php?B=15&A=6286&modeTY=2&pagebreak=1#p271
จบการแสดงผล หน้าที่ ๒๗๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]