ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๖๓.

สคฺคนฺติ จาตุมฺมหาราชิกาทีสุ อญฺญตรํ สคฺคโลกํ. อิมสฺมึ สุตฺเต สีลญฺจ
สมฺมาทิฏฺฐิ จาติ อุภยํปิ มิสฺสกํ กถิตํ. สตฺตมํ อุตฺตานเมว.
                      ๘. ปฐมโสเจยฺยสุตฺตวณฺณนา
     [๑๒๑] อฏฺฐเม โสเจยฺยานีติ ๑- สุจิภาวา. กายโสเจยฺยนฺติ กายทฺวาเร
สุจิภาโว. เสสปททฺวเยปิ ๒- เอเสว นโย. อิเมสุ ปน ปฏิปาฏิยา จตูสุ สุตฺเตสุ
อาคาริกปฏิปทา กถิตา. โสตาปนฺนสกทาคามีนมฺปิ วฏฺฏติ.
                      ๙. ทุติยโสเจยฺยสุตฺตวณฺณนา
     [๑๒๒] นวเม อชฺฌตฺตนฺติ นิยกชฺฌตฺตํ. กามจฺฉนฺทนฺติ กามจฺฉนฺทนีวรณํ.
พฺยาปาทาทีสุปิ เอเสว นโย. เสสเมตฺถ เหฏฺฐา วุตฺตนยเมว. คาถาย ปน กายสุจินฺติ
กายทฺวาเร สุจึ, กาเยน วา สุจึ. เสสปททฺวเยปิ เอเสว นโย. นินฺหาตปาปกนฺติ
ปาปํ นฺหาเปตฺวา ๓- โธเวตฺวา ฐิตํ. อิมินา ๔- สุตฺเตนปิ คาถายปิ ขีณาสโวว
กถิโตติ.
                       ๑๐. โมเนยฺยสุตฺตวณฺณนา
     [๑๒๓] ทสเม โมเนยฺยานีติ มุนิภาวา. กายโมเนยฺยนฺติ กายทฺวาเร มุนิภาโว
สาธุภาโว ปณฺฑิตภาโว. เสสทฺวเยปิ เอเสว นโย. อิทํ วุจฺจติ ภิกฺขเว
กายโมเนยฺยนฺติ อิทํ หิ ติวิธกายทุจฺจริตปฺปหานํ กายโมเนยฺยํ นาม. อปิจ ติวิธํ
กายสุจริตํปิ กายโมเนยฺยํ, ตถา กายารมฺมณํ ญาณํ กายโมเนยฺยํ, กายปริญฺญา
กายโมเนยฺยํ, ปริญฺญาสหคโต มคฺโค กายโมเนยฺยํ, กาเยน ฉนฺทราคสฺส ปหานํ
กายโมเนยฺยํ, กายสงฺขารนิโรโธ จตุตฺถชฺฌานสมาปตฺติ จ ๕- กายโมเนยฺยํ.
วจีโมเนยฺเยปิ เอเสว นโย.
@เชิงอรรถ:  ก. โสเจยฺยนฺติ สุจิภาโร    ฉ.ม. เสสทฺวเยปิ. เอวมุปริปิ
@ ฉ.ม. สพฺเพ ปาเป นินฺหาเปตฺวา    สี.,อิ. อิติ
@ ฉ.ม.,อิ. อยํ สทฺโท น ทิสฺสติ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๖๓. http://84000.org/tipitaka/read/attha_page.php?book=15&page=263&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6096&modeTY=2&pagebreak=1 http://84000.org/tipitaka/atthapali/th_line.php?B=15&A=6096&modeTY=2&pagebreak=1#p263


จบการแสดงผล หน้าที่ ๒๖๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]