Gamanam sandhaya vuttam. Na hi tassa upacarajjhanato balavataram akusalam atthi,
yena anantaram apaye nibbatteyya. Bhagavato pana savakoti sotapannasakadagami-
anagaminam annataro. Tasmimyeva bhaveti tattheva arupabhave. Parinibbayatiti
apaccayaparinibbanena parinibbayati. Adhippayasoti 1- adhikappayogo. Sesamettha
vuttanayeneva veditabbam. Imasmim pana sutte puthujjanassa upapattijjhanam kathitam,
ariyasavakassa tadeva upapattijjhananca vipassanapadakajjhananca kathitam.
5. Vipattisampadasuttavannana
[118] Pancame silavipattiti silassa vipannakaro. Sesadvayepi eseva nayo.
Natthi dinnanti dinnassa phalabhavam sandhaya vadati. Yittham vuccati mahayago. Hutanti
pahonakalabhasakkaro 2- adhippeto. Tampi ubhayam phalabhavameva sandhaya patikkhipati.
Sukatadukkatananti sukatadukkatanam, 3- kusalakusalananti attho. Phalavipakoti 4-
yam phalanti vipakoti va vuccati, tam natthiti vadati. Natthi ayam lokoti paraloke
thitassa ayam loko natthi. Natthi paro lokoti idha loke thitassapi paraloko
natthi, sabbe tattha tattheva ucchijjantiti dasseti. Natthi mata natthi pitati
tesu sammapatipattimicchapatipattinam phalabhavavasena vadati. Natthi satta opapatikati
cavitva uppajjanakasatta nama natthi. 5- Sampadati paripuriyo. Silasampadati silassa
paripunnaavekallabhavo. Sesapadadvayepi eseva nayo. Atthi dinnantiadi
vuttapatipakkhanayena gahetabbam.
6. Apannakasuttavannana
[119] Chatthe apannako maniti chahi talehi samannagato pasako. Sugatim
@Footnote: 1 cha.Ma. adhippayasoti 2 cha.Ma.,i. pahenakasakkaro
@3 cha.Ma. sukatadukkatananti sukatadukkatanam
@4 cha.Ma.,i. phalam vipakoti 5 cha.Ma.,i. natthiti vadati.
The Pali Atthakatha in Roman Character Volume 15 Page 262.
http://84000.org/tipitaka/read/attha_page.php?book=15&page=262&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=6073&modeTY=2&pagebreak=1
http://84000.org/tipitaka/atthapali/rm_line.php?B=15&A=6073&modeTY=2&pagebreak=1#p262
