ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๖๒.

คมนํ สนฺธาย วุตฺตํ. น หิ ตสฺส อุปจารชฺฌานโต พลวตรํ อกุสลํ อตฺถิ,
เยน อนนฺตรํ อปาเย นิพฺพตฺเตยฺย. ภควโต ปน สาวโกติ โสตาปนฺนสกทาคามิ-
อนาคามีนํ อญฺญตโร. ตสฺมึเยว ภเวติ ตตฺเถว อรูปภเว. ปรินิพฺพายตีติ
อปจฺจยปรินิพฺพาเนน ปรินิพฺพายติ. อธิปฺปายโสติ ๑-  อธิกปฺปโยโค. เสสเมตฺถ
วุตฺตนเยเนว เวทิตพฺพํ. อิมสฺมึ ปน สุตฺเต ปุถุชฺชนสฺส อุปปตฺติชฺฌานํ กถิตํ,
อริยสาวกสฺส ตเทว อุปปตฺติชฺฌานญฺจ วิปสฺสนาปาทกชฺฌานญฺจ กถิตํ.
                      ๕. วิปตฺติสมฺปทาสุตฺตวณฺณนา
     [๑๑๘] ปญฺจเม สีลวิปตฺตีติ สีลสฺส วิปนฺนากาโร. เสสทฺวเยปิ เอเสว นโย.
นตฺถิ ทินฺนนฺติ ทินฺนสฺส ผลาภาวํ สนฺธาย วทติ. ยิฏฺฐํ วุจฺจติ มหายาโค. หุตนฺติ
ปโหนกลาภสกฺกาโร ๒-  อธิปฺเปโต. ตํปิ อุภยํ ผลาภาวเมว สนฺธาย ปฏิกฺขิปติ.
สุกฏทุกฺกฏานนฺติ สุกฏทุกฺกฏานํ, ๓- กุสลากุสลานนฺติ อตฺโถ. ผลวิปาโกติ ๔-
ยํ ผลนฺติ วิปาโกติ วา วุจฺจติ, ตํ นตฺถีติ วทติ. นตฺถิ อยํ โลโกติ ปรโลเก
ฐิตสฺส อยํ โลโก นตฺถิ. นตฺถิ ปโร โลโกติ อิธ โลเก ฐิตสฺสาปิ ปรโลโก
นตฺถิ, สพฺเพ ตตฺถ ตตฺเถว อุจฺฉิชฺชนฺตีติ ทสฺเสติ. นตฺถิ มาตา นตฺถิ ปิตาติ
เตสุ สมฺมาปฏิปตฺติมิจฺฉาปฏิปตฺตีนํ ผลาภาววเสน วทติ. นตฺถิ สตฺตา โอปปาติกาติ
จวิตฺวา อุปฺปชฺชนกสตฺตา นาม นตฺถิ. ๕- สมฺปทาติ ปาริปูริโย. สีลสมฺปทาติ สีลสฺส
ปริปุณฺณอเวกลฺลภาโว. เสสปททฺวเยปิ เอเสว นโย. อตฺถิ ทินฺนนฺติอาทิ
วุตฺตปฏิปกฺขนเยน คเหตพฺพํ.
                        ๖. อปณฺณกสุตฺตวณฺณนา
     [๑๑๙] ฉฏฺเฐ อปณฺณโก มณีติ ฉหิ ตเลหิ สมนฺนาคโต ปาสโก. สุคตึ
@เชิงอรรถ:  ฉ.ม. อธิปฺปยาโสติ    ฉ.ม.,อิ. ปเหณกสกฺกาโร
@ ฉ.ม. สุกตทุกฺกฏานนฺติ สุกตทุกฺกตานํ
@ ฉ.ม.,อิ. ผลํ วิปาโกติ    ฉ.ม.,อิ. นตฺถีติ วทติ.



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๖๒. http://84000.org/tipitaka/read/attha_page.php?book=15&page=262&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6073&modeTY=2&pagebreak=1 http://84000.org/tipitaka/atthapali/th_line.php?B=15&A=6073&modeTY=2&pagebreak=1#p262


จบการแสดงผล หน้าที่ ๒๖๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]