ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๖๑.

กาเมสุ โทโสติ กิเลสกาเม จ วตฺถุกาเม  จ ๑- เสวนฺตสฺส นตฺถิ โทโส. ปาตพฺยตนฺติ
ปิวิตพฺพตํ ปริภุญฺชิตพฺพตํ นิราสงฺเกน จิตฺเตน ปิปาสิตสฺส ปานียปิวนสทิสํ
ปริภุญฺชิตพฺพตํ. อิมสฺมึ สุตฺเต วฏฺฏเมว กถิตํ.
                         ๒. ทุลฺลภสุตฺตวณฺณนา
     [๑๑๕] ทุติเย กตญฺญู กตเวทีติ "อิมินา มยฺหํ กตนฺ"ติ เตน กตํ กมฺมํ
ญตฺวา วิทิตํ ปากฏํ กตฺวา ปฏิกรณกปุคฺคโล.
                       ๓. อปฺปเมยฺยสุตฺตวณฺณนา
     [๑๑๖] ตติเย สุเขน ปเมตพฺโพติ ๒- สุปฺปเมยฺโย. ทุกฺเขน ปเมตพฺโพติ
ทุปฺปเมยฺโย. ปเมตุํ ๓- น สกฺโกตีติ อปฺปเมยฺโย. อุนฺนโฬติ อุคฺคตนโฬ, ตุจฺฉมานํ
อุกฺขิปิตฺวา ฐิโตติ อตฺโถ. จปโลติ ปตฺตมณฺฑนาทินา จาปลฺเลน สมนฺนาคโต.
มุขโรติ มุขขโร. วิกิณฺณวาโจติ อสญฺญตวจโน. อสมาหิโตติ น จิตฺเตกคฺคโต. ๔-
วิพฺภนฺตจิตฺโตติ ภนฺตมิคสปฺปฏิภาโค. ๕-  ปากตินฺทฺริโยติ วิวฏินฺทฺริโย.
เสสเมตฺถ อุตฺตานเมวาติ.
                        ๔. อาเนญฺชสุตฺตวณฺณนา
     [๑๑๗] จตุตฺเถ ตทสฺสาเทตีติ ตํ ฌานํ อสฺสาเทติ. ตํ นิกาเมตีติ ตเทว
ปฏฺเฐติ. เตน จ วิตฺตึ อาปชฺชตีติ เตน ฌาเนน ตุฏฺฐึ อาปชฺชติ. ตตฺถ ๖- ฐิโตติ
ตสฺมึ ฌาเน ฐิโต. ตทธิมุตฺโตติ ตตฺเถว อธิมุตฺโต. ตพฺพหุลวิหารีติ เตน พหุลํ
วิหรนฺโต. สหพฺยตํ อุปปชฺชตีติ สหภาวํ อุปปชฺชติ, ตสฺมึ เทวโลเก นิพฺพตฺตตีติ
อตฺโถ. นิรยมฺปิ คจฺฉตีติอาทิ นิรยาทีหิ อวิปฺปมุตฺตตฺตา อปรปริยายวเสน ตตฺถ
@เชิงอรรถ:  ฉ.ม.,อิ. กิเลสกาเมน วตฺถุกาเม   ฉ.ม.,อิ....เมตพฺโพติ   อิ. เมตุํ
@ ฉ.ม.,อิ. จิตฺเตกคฺคตารหิโต    ฉ.ม.,อิ. ภนฺตจิตฺโต
@ภนฺตคาวิภนฺตมิคสปฺปฏิภาโค    ฉ.ม.,อิ. ตตฺร



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๖๑. http://84000.org/tipitaka/read/attha_page.php?book=15&page=261&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6051&modeTY=2&pagebreak=1 http://84000.org/tipitaka/atthapali/th_line.php?B=15&A=6051&modeTY=2&pagebreak=1#p261


จบการแสดงผล หน้าที่ ๒๖๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]