บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 259.
Eseva nayo. Sace hi mahasamudde udakam sura bhaveyya, surasondo ca maccho hutva nibbatteyya, tassa tattha carantassapi sayantassapi titti nama na bhaveyya. Imasmim sutte vattameva kathitam. 7. Arakkhitasuttavannana [110] Sattame avassutam hotiti tintam hoti. Na bhaddakam maranam hotiti apayepi 1- patisandhipaccayataya na laddhakam hoti. Kalakiriyati tasseva vevacanam. Sukkapakkhe sagge patisandhipaccayataya bhaddakam hoti laddhakam. Tam pana ekantena sotapannadinam tinnam ariyasavakanamyeva vattati. Sesamettha uttanamevati. 8. Byapannasuttavannana [111] Atthame byapannanti pakatibhavam jahitva thitam. Sesam purimasutte vuttanayameva. 9. Pathamanidanasuttavannana [112] Navame nidananiti karanani. Kammanam samudayayati vattagamikammanam pindakaranatthaya. Lobhapakatanti lobhena pakatam. Savajjanti sadosam. Tam kammam kammasamudayaya samvattatiti tam kammam annesampi vattagaminam kammana samudayaya pindakaranatthaya samvattati. Na tam kammam kammanirodhayati tam pana kammam vattagamikammanam nirodhatthaya na samvattati. Sukkapakkhe kammanam samudayayati vattagamikammanam 2- samudayatthaya. Imina nayena sabbam atthato veditabbam. @Footnote: 1 cha.Ma.,i. apaye 2 cha.Ma.,i. vivattagamikammanamThe Pali Atthakatha in Roman Character Volume 15 Page 259. http://84000.org/tipitaka/read/attha_page.php?book=15&page=259&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6008&modeTY=2&pagebreak=1 http://84000.org/tipitaka/atthapali/rm_line.php?B=15&A=6008&modeTY=2&pagebreak=1#p259
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]