บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 255.
Vattati. Puthuttarammanam pahaya ekekasmim nibbanagocareyeva titthatiti vuttam hoti. Sannisidatiti sutthu nisidati. Ekodibhavo hotiti 1- ekaggam hoti. Samadhiyatiti samma adhiyati. Santotiadisu paccanikakilesavupasamena santo. Atappakatthena panito. Kilesapatippassaddhiya laddhatta patippassaddhiladdho. 2- Ekaggabhavam gatatta ekodibhavadhigato. Kilesanam chinnante uppannatta na sappayogena 3- kilese nigganhitva varetva varitoti na sasankharaniggayhavaritavato. Ettavata ayam bhikkhu vivattetva arahattam patto nama hoti. Idanissa khinasavassa sato abhinnapativedham 4- dassento yassa yassa catiadimaha. Tattha abhinnasacchikaraniyassati abhijanitva paccakkham katabbassa. Sati sati ayataneti pubbahetusankhate ceva idani ca patiladdhabbe jhanadibhede 5- sati satikarane. Tassa 6- vittharato pana ayam abhinnakatha visuddhimagge 7- vuttanayeneva veditabba. Asavanam khayatiadi cettha phalasamapattivasena vuttanti veditabbam. 11. Nimittasuttavannana [103] Ekadasamepi adhicittam samathavipassanacittameva. Tini nimittaniti tini karanani. Kalena kalanti kale kale, yuttakalanti 8- attho. Kalena kalam samadhinimittam manasikatabbantiadisu tam tam kalam sallakkhetva ekaggatayuttakale ekaggata manasikatabba. Ekaggata hi idha samadhinimittanti vutta. Tattha vacanattho:- samadhiyeva nimittam samadhinimittam. Sesapadadvayepi eseva nayo. Paggahoti 9- padam 10- viriyassa namam, upekkhati majjhattabhavassa. Tasma @Footnote: 1 cha.Ma.,i. ekodi hotiti @2 cha. patippassaddhaladdho, an.pancaka. 22/27/26 pancangikavagga (sya), @di.pa. 11/355/249 dasuttarasutta 3 Ma. appayogena 4 cha.Ma.,i. abhinnapatipadam @5 cha.Ma.,i. abhinnapadakajjhanadibhede ca 6 cha.Ma.,i. ayam patho na dissati @7 visuddhi. 2/199 iddhividhaniddesa 8 cha.Ma.,i. yuttakaleti @9 ka. paggahoti 10 cha.Ma.,i. panaThe Pali Atthakatha in Roman Character Volume 15 Page 255. http://84000.org/tipitaka/read/attha_page.php?book=15&page=255&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=5920&modeTY=2&pagebreak=1 http://84000.org/tipitaka/atthapali/rm_line.php?B=15&A=5920&modeTY=2&pagebreak=1#p255
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]