Dalhaparakkamoti thiraparakkamo. Anikkhittadhuroti atthapitadhuro, 1- aggaphalam arahattam
appatva viriyadhuram na nikkhipissamiti evam patipanno. Imasmim sutte
catusaccavasena sotapattimaggo, sotapattimaggena ca 2- nanajavasampannata kathitati.
Chatthe tini ca maggani tini ca phalani, tihi maggaphalehi ca nanajavasampannata kathita.
Sattame arahattaphalam, arahattaphaleneva ca maggakiccam kathitam. Phalam pana javitajavena
uppajjanato javoti ca vattum na vattati. 3-
8. Potthakasuttavannana
[100] Atthame navoti karanam upadaya vuccati. Potthakoti vakamayavattham.
Majjhimoti paribhogamajjhimo. Jinnoti paribhogajinno. Ukkhaliparimajjananti
ukkhaliparipunchanam. Dussiloti nissilo. Dubbannatayati gunavannabhavena
dubbannataya. Ditthanugatim apajjantiti tena katam anukaronti. Na mahapphalam hotiti
vipakaphalena na mahapphalam hoti. Na mahanisamsanti vipakanisamsena 4- na mahanisamsam.
Appagghatayati vipakagghena appagghataya. Kasikam vatthanti kappasasuttam 5- kantitva
katavattham, tanca kho kasirattheyeva utthitam. Sesam uttanameva. Silam panettha missakam
kathitanti.
9. Lonaphalasuttavannana 6-
[101] Navame yatha yathayanti yatha yatha ayam. Tatha tatha tanti tatha tatha tam kammam.
Idam vuttam hoti:- yo evam vadeyya "yatha yatha kammam karoti, tatha tathassa vipakam
patisamvediyateva. Na hi sakka katassa 7- kammassa vipakam appatisamvedetum. 8- Tasma
yattakam kammam karoti, tattakassa vipakam patisamvediyateva"ti.
Evam santanti evam sante. Brahmacariyavaso na hotiti yam maggabhavanato
@Footnote: 1 cha.Ma.,i. atthapitadhuro paggahitadhuro 2 Ma. sotapattimaggeneva
@3 cha.Ma. vattum vattati 4 cha.Ma.,i. vipakanisamseneva
@5 cha.Ma. tihi kappasaamsuhi suttam, i. tihi kappasamsuhi suttam
@6 cha.Ma. lonakapallasuttavannana 7 Si. tassa 8 cha.Ma. patisedhetum
The Pali Atthakatha in Roman Character Volume 15 Page 251.
http://84000.org/tipitaka/read/attha_page.php?book=15&page=251&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=5821&modeTY=2&pagebreak=1
http://84000.org/tipitaka/atthapali/rm_line.php?B=15&A=5821&modeTY=2&pagebreak=1#p251
