บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 248.
Nayo. Kesakambalanti manussakesehi katakambalam. Valakambalanti assavaladihi katakambalam. 1- Ulukapakkhikanti ulukapattani ganthetva katanivasanam. Sakabhakkhati allasakabhakkha. Samakabhakkhati samakatandulabhakkha. Nivaradisu nivara nama aranne sayam jatavihijati. Daddulanti cammakarehi cammam likhitva chadditakasatam. Hatam vuccati silesopi sevalopi kanikaradirukkhaniyyasopi. Kananti kondakam. 2- Acamoti bhattaukkhalikaya laggo jhamaodano. Tam chadditatthane gahetva khadanti, odanakanjiyantipi vadanti. Pinnakadayo pakatava. Pavattaphalabhojiti patitaphalabhoji. Bhusagaranti khalasalam. Silavati catuparisuddhisilena samannagato. Dussilyancassa pahinam hotiti panca dussilyani pahinani honti. Sammaditthikoti yathavaditthiko. Micchaditthiti ayathavaditthi. Asavati cattaro asava. Aggappattoti silaggappatto. Sarappattoti silasarappatto. Suddhoti parisuddho. Sare patitthitoti silasamadhipannasare patitthito. Seyyathapiti yatha nama. Sampannanti paripunnam paripakkasalibharitam. Sangharapeyyati sankaddhapeyya. Ubbahapeyyati khalatthanam aharapeyya. Bhusikanti bhusam. Kottapeyyati udukkhale pakkhipapetva musalehi paharapeyya. Aggappattaniti tandulaggappattani. Sarappattadisupi eseva nayo. Sesam pana 3- uttanatthameva. Yam panettha "dussilyancassa pahinam micchaditthi cassa pahina"ti vuttam, tam sotapattimaggena pahinabhavam sandhaya vuttanti veditabbam. 3. Saradasuttavannana [95] Tatiye viddheti balahakavigamena duribhute. Deveti akase. Abhivihaccati @Footnote: 1 Si.,Ma. valakambalanti assavaladihi katakambalam 2 cha.Ma. kundakam @3 cha.Ma. ayam saddo na dissatiThe Pali Atthakatha in Roman Character Volume 15 Page 248. http://84000.org/tipitaka/read/attha_page.php?book=15&page=248&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=5751&modeTY=2&pagebreak=1 http://84000.org/tipitaka/atthapali/rm_line.php?B=15&A=5751&modeTY=2&pagebreak=1#p248
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]