ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๔๖.

สมาทเปตีติ คณฺหาเปติ. สมุตฺเตเชตีติ สมุสฺสาเหติ. สมฺปหํเสตีติ ปฏิลทฺธคุเณหิ
วณฺณํ กเถนฺโต โวทาเปติ. อธิสลฺเลขิเตติ อติวิย สลฺเลขติ, ๑- อติวิย สลฺลิขิตํ
กตฺวา สณฺหํ สณฺหํ กเถตีติ อตฺโถ.
     อจฺจโยติ อปราโธ. มํ อจฺจคมาติ มํ อติกฺกมฺม อภิภวิตฺวา ปวตฺโต.
อหุเทว อกฺขนฺตีติ อโหสิเยว อนธิวาสนา. อหุ อปฺปจฺจโยติ อโหสิ อตุฏฺฐากาโร.
ปฏิคฺคณฺหาตูติ  ขมตุ. อายตึ สํวรายาติ อนาคเต สํวรตฺถาย, ๒- ปุน เอวรูปสฺส
อปราธสฺส โทสสฺส ขลิตสฺส วา อกรณตฺถายาติ อตฺโถ. ตคฺฆาติ เอกํเสน. ยถาธมฺมํ
ปฏิกโรสีติ ยถา ธมฺโม ๓-  ฐิโต, ตถา กโรสิ, ขมาเปสีติ วุตฺตํ โหติ. ตํ เต
มยํ ปฏิคฺคณฺหามาติ ตํ ตว อปราธํ มยํ ขมาม. วุฑฺฒิ เหสา กสฺสป อริยสฺส
วินเยติ เอสา กสฺสป พุทฺธสฺส ภควโต สาสเน  วุฑฺฒิ นาม. กตมา? ยายํ
อจฺจยํ อจฺจยโต ทิสฺวา ยถาธมฺมํ ปฏิกริตฺวา อายตึ สํวราปชฺชนา. ๔- เทสนํ ปน
ปุคฺคลาธิฏฺฐานํ กโรนฺโต "โย อจฺจยํ อจฺจยโต ทิสฺวา ยถาธมฺมํ ปฏิกโรติ, อายตึ
สํวรํ อาปชฺชตี"ติ อาห. น สิกฺขากาโมติ ติสฺโส สิกฺขา น กาเมติ น ปฏฺเฐติ
น ปิเหติ. สิกฺขาสมาทานสฺสาติ สิกฺขาปริปูรณสฺส. น วณฺณวาทีติ คุณํ น กเถติ.
กาเลนาติ ยุตฺตปฺปยุตฺตกาเลน. เสสเมตฺถ อุตฺตานตฺถเมวาติ.
                         สมณวคฺโค จตุตฺโถ.
                         --------------
@เชิงอรรถ:  ฉ.ม.,อิ. อธิสลฺลิขเตติ อติวิย สลฺลิขติ    อิ. สํวรณตฺถาย
@ สี.,อิ., ม. ธมฺเม     ม. สํวรํ อาปชฺชติ, สุ.วิ. ๑/๒๕๑/๒๑๓ อุปาสกวิธิกถา



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๔๖. http://84000.org/tipitaka/read/attha_page.php?book=15&page=246&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5710&modeTY=2&pagebreak=1 http://84000.org/tipitaka/atthapali/th_line.php?B=15&A=5710&modeTY=2&pagebreak=1#p246


จบการแสดงผล หน้าที่ ๒๔๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]