ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๓๙.

ตํ อุปาทาย รูปาวจรํ อธิจิตฺตํ นาม, ตํปิ อุปาทาย อรูปาวจรํ อธิจิตฺตํ นาม.
อปิจ สพฺพํปิ โลกิยํ จิตฺตํ จิตฺตเมว, โลกุตฺตรํ จิตฺตํ อธิจิตฺตํ นาม. ปญฺญายปิ
เอเสว นโย. ตสฺมาติ ยสฺมา อิมานิ ตีณิ สมณกรณียานิ, ตสฺมา. ติพฺโพติ พหโล.
ฉนฺโทติ กตฺตุกมฺยตากุสลจฺฉนฺโท. อิติ อิมสฺมึ สุตฺตนฺเต ติสฺโส สิกฺขา
โลกิยโลกุตฺตรา กถิตาติ.
                         ๒. คทฺรภสุตฺตวณฺณนา
     [๘๓] ทุติเย ปิฏฺฐิโต ปิฏฺฐิโตติ ปจฺฉโต ปจฺฉโต. ๑- อหมฺปิ อมฺหา อหมฺปิ
อมฺหาติ อหมฺปิ อมฺหาติ รวํ รวมานา คาวี อหมฺปิ คาวีติ. ๑- เสยฺยถาปิ คุนฺนนฺติ
ยถา คาวีนํ. คาโว หิ วณฺเณน ๒-  กาฬาปิ รตฺตาปิ เสตาทิวณฺณาปิ โหนฺติ,
คทฺรภสฺส ปน ตาทิโส วณฺโณ นาม นตฺถิ. ยถา จ วณฺโณ, เอวํ สโรปิ
ปทํปิ อญฺญมญฺญสทิสเมว. ๓- เสสํ อุตฺตานตฺถเมว. อิมสฺมึปิ สุตฺเต ติสฺโส สิกฺขา
มิสฺสิกาว กถิตาติ.
                         ๓. เขตฺตสุตฺตวณฺณนา
     [๘๔] ตติเย ปฏิกจฺเจวาติ ปฐมเมว. สุกฏฺฐํ กโรตีติ นงฺคเลน สุกฏฺฐํ
กโรติ. สุมติกตนฺติ มติยา สุฏฺฐุ สมํ กตํ. ๔- กาเลนาติ วปิตพฺพยุตฺตกาเลน. เสสํ
อุตฺตานเมว. อิธาปิ ติสฺโส สิกฺขา มิสฺสิกาว กถิตา.
                        ๔. วชฺชิปุตฺตสุตฺตวณฺณนา
     [๘๕] จตุตฺเถ วชฺชิปุตฺตโกติ วชฺชิราชกุลสฺส ปุตฺโต. ทิยฑฺฒสิกฺขาปทสตนฺติ ๕-
@เชิงอรรถ: ๑-๑ ฉ.ม. อหมฺปิ ทมฺโม อหมฺปิ ทมฺโมติ อหมฺปิ "ทมฺโม ทมฺมมาโน"ติ วทมาโน คาวีติ
@ ฉ.ม. อยํ ปาโฐ น ทิสฺสติ    ฉ.ม.,อิ. อญฺญาทิสเมว     ฉ.,อิ. สมีกตํ
@ สี.,อิ. ทิยฑฺฒํ สิกฺขาปทสตนฺติ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๓๙. http://84000.org/tipitaka/read/attha_page.php?book=15&page=239&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5552&modeTY=2&pagebreak=1 http://84000.org/tipitaka/atthapali/th_line.php?B=15&A=5552&modeTY=2&pagebreak=1#p239


จบการแสดงผล หน้าที่ ๒๓๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]