บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 229.
Kammavadikiriyavadinam pabbajjam thapetva seso sabbopi bahirakasamayo gahito hoti. Saphalanti itthaphalena saphalam saudrayam. Ettavata imam sasanam adim katva sabbapi kammavadikiriyavadipabbajja gahita. Na ca panassa sulabharupo samasamo pannayati evam sekhabhumiyam thatva panham kathento assa anandassa pannaya samasamo na sulabhoti dasseti. Imasmim sutte sekhabhumi nama kathitati. 9. Gandhajatasuttavannana [80] Navame etadavocati pacchabhattam pindapatapatikkanto dasabalassa vattam dassetva attano divaviharatthanam gantva "imasmim loke mulagandho nama atthi, saragandho nama atthi, pupphagandho nama atthi. Ime pana tayopi gandha anuvatamyeva gacchanti, na pativatam. Atthi nu kho kinci gandhajatam, 1- yassa pativatampa gandho gacchati"ti cintetva atthannam varanam gahanakaleyeva kankhuppattisamaye upasankamanassa 2- gahitatta tamkhanamyeva divatthanato vutthaya satthu santikam gantva vanditva ekamantam nisinno uppannaya kankhaya vinodanattham etam "tinimani bhante"ti adivacanam avoca. Tattha gandhajataniti gandhajatiyo. Mulagandhoti mulavatthuko gandho, gandhasampannam va mulameva mulagandho. Tassa hi gandho anuvatam gacchati. Gandhassa pana gandho nama natthi. Saragandhapupphagandhesupi eseva nayo. Atthananda gandhajatanti 3- ettha saranagamanadayo gunavannabhasanavasena disagamitaya gandhasadisatta gandha, tesam vatthubhuto puggalo gandhajatam nama. Gandho gacchatiti vannabhasanavasena gacchati. Silavati pancasilena va dasasilena va silava. Kalyanadhammoti teneva siladhammena kalyanadhammo sundaradhammo. Vigatamalamaccherenatiadinam attho visuddhimagge 4- vittharitova. Disasuti catusu disasu catusu anudisasu. Samanabrahmanati samitapapabahitapapa samanabrahmana. @Footnote: 1 cha.Ma.,i. ayam patho na dissati 2 cha.Ma.,i. upasankamanavarassa @3 cha. atthananda kinci gandhajatanti 4 visuddhi. 1/286 chaanussatiniddesaThe Pali Atthakatha in Roman Character Volume 15 Page 229. http://84000.org/tipitaka/read/attha_page.php?book=15&page=229&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=5307&modeTY=2&pagebreak=1 http://84000.org/tipitaka/atthapali/rm_line.php?B=15&A=5307&modeTY=2&pagebreak=1#p229
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]