ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๒๗.

ตํ กมฺมํ เขเปตีติ อตฺโถ. สนฺทิฏฺฐิกาติ สามํ ปสฺสิตพฺพา. อกาลิกาติ น กาลนฺตเร
กิจฺจการิกา. เอหิปสฺสิกาติ "เอหิ ปสฺสา"ติ เอวํ ทสฺเสตุํ ยุตฺตา. โอปนยิกาติ ๑-
อุปนเย ยุตฺตา อลฺลียิตพฺพยุตฺตา. ปจฺจตฺตํ เวทิตพฺพา วิญฺญูหีติ ปณฺฑิเตหิ
อตฺตโน อตฺตโน สนฺตาเนเยว ชานิตพฺพา, พาเลหิ ปน ทุชฺชานา. อิติ สีลวเสน เทฺว
มคฺคา เทฺว จ ผลานิ กถิตานิ. โสตาปนฺนสกทาคามิโน หิ สีเลสุ ปริปูริการิโน. ๒-
วิวิจฺเจว กาเมหีติอาทิกาย ปน สมาธิสมฺปทาย ตโย มคฺคา ตีณิ จ ผลานิ
กถิตานิ. อนาคามี อริยสาวโก หิ สมาธิสฺมึ ปริปูริการีติ ๒- วุตฺโต. อาสวานํ
ขยาติอาทีหิ อรหตฺตผลํ กถิตํ. เกจิ ปน สีลสมาธโยปิ อรหตฺตผลสมฺปยุตฺตาว
อิธ อธิปฺเปตาติ. ๓- เอเกกสฺส ปน วเสน ปฏิปตฺติทสฺสนตฺถํ วิสุํ วิสุํ ตนฺติ
อาโรปิตาติ.
                        ๕. นิเวสกสุตฺตวณฺณนา
     [๗๖] ปญฺจเม อมจฺจาติ สุหชฺชา. ญาตีติ สสฺสุสสุรปกฺขิกา. สาโลหิตาติ
สมานโลหิตา ภาติกภคินิอาทโย. อเวจฺจปฺปสาเทติ คุเณ อเวจฺจ ชานิตฺวา
อุปฺปนฺเน อจลปฺปสาเท. อญฺญถตฺตนฺติ ภาวญฺญถตฺตํ. ปฐวีธาตุยาติอาทีสุ วีสติยา
โกฏฺฐาเสสุ ถทฺธาการภูตาย ปฐวีธาตุยา, ทฺวาทสสุ โกฏฺฐาเสสุ ยูสคตาย
อาพนฺธนภูตาย อาโปธาตุยา, จตูสุ โกฏฺฐาเสสุ ปริปาจนภูตาย เตโชธาตุยา, ฉสุ
โกฏฺฐาเสสุ วิตฺถมฺภนภูตาย วาโยธาตุยา สิยา อญฺญถตฺตํ. น เตฺววาติ อิเมสํ
หิ จตุนฺนํ มหาภูตานํ อญฺญมญฺญสภาวูปคมเนน ๔- สิยา อญฺญถตฺตํ, อริยสาวกสฺส
ปน น เตฺวว สิยาติ ทสฺเสติ. เอตฺถ จ  อญฺญถตฺตนฺติ ปสาทญฺญถตฺตํ จ
คติอญฺญถตฺตญฺจ. ตญฺหิ ตสฺส น โหติ, ภาวญฺญถตฺตํ ปน โหติ. อริยสาวโก
หิ มนุสฺโส หุตฺวา เทโวปิ โหติ พฺรหฺมาปิ. ปสาโท ปนสฺส ภวนฺตเรปิ น
@เชิงอรรถ:  ฉ.ม. โอปเนยฺยิกาติ    ฉ.ม. ปริปูรการิโนติ, อิ. ปริปูรการิโน. เอวมุปริปิ
@ ฉ.ม.,อิ. อธิปฺเปตา    ฉ.ม. อญฺญมญฺญภาวูปคมเนน



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๒๗. http://84000.org/tipitaka/read/attha_page.php?book=15&page=227&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5261&modeTY=2&pagebreak=1 http://84000.org/tipitaka/atthapali/th_line.php?B=15&A=5261&modeTY=2&pagebreak=1#p227


จบการแสดงผล หน้าที่ ๒๒๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]