อรรถกถาเล่มที่ ๑๕ ภาษาบาลี อักษรไทย
องฺ.อ. (มโนรถ.๒)
หน้าที่ ๒๑๖.

ธรมานกปญฺจกฺขนฺธกาโล, มหาวาเต โอปุณิตฺวา อปฺปวตฺตนกรณกาโล ๑- วิย
อุปาทินฺนกกฺขนฺธานํ อปฺปฏิสนฺธิกนิโรเธน นิรุชฺฌิตฺวา ปุนพฺภเว ปฏิสนฺธิอคหณกาโล
ทฏฺพฺโพติ. อิมสฺมึ สุตฺเต วฏฺฏวิวฏฺฏํ กถิตํ.
                        ๑๐. อุโปสถสุตฺตวณฺณนา
     [๗๑] ทสเม ตทหุโปสเถติ ตสฺมึ อหุ อุโปสเถ ตํทิวสํ อุโปสเถ,
ตํทิวสํ ๒- ปณฺณรสีอุโปสถทิวเสติ วุตฺตํ โหติ. อุปสงฺกมีติ อุโปสถงฺคานิ อธิฏฺาย
คนฺธมาลาทิหตฺถา อุปสงฺกมิ. หนฺทาติ ววสฺสคฺคตฺเถ ๓- นิปาโต. ทิวาทิวสฺสาติ
ทิวสสฺส ทิวา นาม มชฺฌโณฺห, อิมสฺมึ ิตมชฺฌนฺติเก กาเลติ อตฺโถ. กุโต นุ ตฺวํ
อาคจฺฉสีติ กึ กโรนฺตี วิจรสีติ ปุจฺฉติ. โคปาลกุโปสโถติ อปริสุทฺธวิตกฺกตาย ๔-
โคปาลเกหิ สทฺธึ อุปมิตอุโปสโถ. นิคณฺุโปสโถติ นิคณฺานํ อุปวสนอุโปสโถ.
อริยุโปสโถติ อริยานํ อุปวสนอุโปสโถ. เสยฺยถาปิ วิสาเขติ ยถา นาม วิสาเข.
สายณฺหสมเย สามิกานํ คาโว นิยฺยาเทตฺวาติ โคปาลกา หิ เทวสิกเวตเนน
วา ปญฺจาหทสาหอฑฺฒมาสมาสฉมาสสํวจฺฉรปริจฺเฉเทน วา คาโว คเหตฺวา
รกฺขนฺติ. อิธ ปน เทวสิกเวตเนน  รกฺขนฺตํ สนฺธาเยตํ วุตฺตํ. นิยฺยาเทตฺวาติ
ปฏิจฺฉาเปตฺวา "เอตา โว คาโวติ ทตฺวา. ๕- อิติ ปฏิสญฺจิกฺขตีติ อตฺตโน เคหํ
คนฺตฺวา ภุญฺชิตฺวา มญฺเจ นิปนฺโน เอวํ ปจฺจเวกฺขติ. อภิชฺฌาสหคเตนาติ
ตณฺหาสมฺปยุตฺเตน. เอวํ โข วิสาเข โคปาลกุโปสโถ โหตีติ อริยุโปสโถว อยํ,
อปริสุทฺธวิตกฺกตาย ปน โคปาลกอุโปสถฏฺาเน ิโต. น มหปฺผโลติ วิปากผเลน
น มหาผโล. น มหานิสํโสติ วิปากานิสํเสน น มหานิสํโส. น มหาธุติโกติ
วิปาโกภาเสน น มหาโอกาโส. น มหาวิปฺผาโรติ วิปากวิปฺผารสฺส อมหนฺตตาย
น มหาวิปฺผาโร.
@เชิงอรรถ: ๑ ฉ.ม. อปฺปวตฺตนกาโล    ๒ ฉ.ม. อยํ ปาโ น ทิสฺสติ   ๓ ม. โวสฺสคฺคตฺเถ
@๔ ฉ.ม. อยํ ปาโ น ทิสฺสติ   ๕ ม. วตฺวา


เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๑๖.
http://84000.org/tipitaka/read/attha_page.php?book=15&page=216&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=15&A=4995&pagebreak=1
http://84000.org/tipitaka/atthapali/th_line.php?B=15&A=4995&pagebreak=1#p216